1421/2021
ගරු (ආචාර්ය) හර්ෂ ද සිල්වා මහතා,— අධ්‍යාපන අමාත්‍යතුමාගෙන් ඇසීමට,—
(අ) (i) ප්‍රථම ‘සුහුරු පන්ති කාමර’ නියමු ව්‍යාපෘතිය 2017.01.13 දින කෝට්ටේ ශ්‍රී ජයවර්ධනපුර (පිරිමි) විද්‍යාලයේදී ආරම්භ කරන ලද බවත්;
(ii) එතැන් සිට මෙම නියමු ව්‍යාපෘතිය පුළුල් කිරීම සඳහා අරමුදල් වෙන් කරන ලද බවත්;
(iii) එම පාසලෙහි ශ්‍රේණි සියල්ලෙහි ම ‘සුහුරු පන්ති කාමර’ ස්ථාපිත කිරීමට හැකි වූ බවත්;
(iv) අනෙකුත් පාසල් සහ රාජ්‍ය ආයතන මෙම වැඩසටහනෙහි ප්‍රතිඵල ඇගයීම් කර තිබෙන බවත්;
එතුමා දන්නෙහිද?
(ආ) (i) ඉහත සඳහන් කළ පාසලේ ‘සුහුරු පන්ති කාමර’ සඳහා ඇතුළත් වූ ශ්‍රේණි, පන්ති සහ සිසුන් වෙන් වෙන් වශයෙන් කවරේද;
(ii) එම පාසලේ ‘සුහුරු පන්ති කාමර’ පුළුල් කිරීම සඳහා ඇති සැලසුම් කවරේද;
(iii) මෙම වැඩසටහන සඳහා වෙන් කිරීමට නියමිත මුදල් ප්‍රමාණය කොපමණද;
යන්න එතුමා මෙම සභාවට දන්වන්නෙහිද?
(ඇ) ඉහත සඳහන් පාසල ජාතික පාසලක් දක්වා උසස් කර, 2022 වර්ෂයේ දී එම පාසල එහි 200 වැනි සංවත්සරය සමරන අවස්ථාවේදී එය ශ්‍රී ලංකාවේ ප්‍රථම සුහුරු පාසල බවට පත් කළ හැකිද යන්නත් එතුමා මෙම සභාවට දන්වන්නෙහිද?
(ඈ) නො එසේ නම්, ඒ මන්ද?
අසන ලද දිනය
2021-11-24
අසන ලද්දේ
ගරු (ආචාර්ය) හර්ෂ ද සිල්වා මහතා, පා.ම.
අමාත්‍යාංශය
අධ්‍යාපන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
