මුදල් හා සැපයුම් දෙපාර්තමේන්තුව විසින් පාර්ලිමේන්තුවේ කටයුතු සුමටව පවත්වාගෙන යාමට ප්‍රධාන මෙහෙයක් ඉටු කරනු ලබයි. අධ්‍යක්ෂ (මුදල්), මුදල් හා සැපයුම් දෙපාර්තමේන්තුවේ ප්‍රධානියා වන අතර ඔහු විසින් මූල්‍ය කටයුතුවලට අදාළ කරුණු සම්බන්ධයෙන් පාර්ලිමේන්තුවේ මහ ලේකම්වරිය වෙත සෘජුවම වාර්තා කිරීම සහ උපදෙස් දීම සිදු කරනු ලබයි. මුදල් හා සැපයුම් දෙපාර්තමේන්තුව කාර්යාංශ තුනක් යටතේ ක්‍රියාත්මක වන අතර ඒවා ‘මුදල් හා ගිණුම්’, ‘සැපයුම් හා සේවා’ සහ ‘ආහාරපාන ගිණුම්’ වශයෙන් සහකාර අධ්‍යක්ෂවරුන් තිදෙනෙකුගේ අධීක්ෂණය යටතේ ක්‍රියාත්මක වේ.
දෙපාර්තමේන්තු ප්‍රධානියෙකු ලෙස අධ්‍යක්ෂ (මුදල්) වෙත පැවරෙන සාමාන්‍ය වගකීම් ඉටු කිරීම සහ රාජ්‍ය මූල්‍ය කළමනාකරණ පනත, අනෙකුත් නීති, රජයේ මුදල් රෙගුලාසි, රාජ්‍ය ප්‍රතිපත්ති, ක්‍රියා පටිපාටීන්, රජය වරින් වර නිකුත් කරන චක්‍රලේඛ හා උපදෙස් අනුව මූල්‍ය කළමනාකරණ ක්‍රියාවලිය සාර්ථකව පවත්වාගෙන යාම තහවුරු කිරීම සඳහා අවශ්‍ය කටයුතු ඉටු කිරීම ප්‍රධාන කාර්ය භාරය වේ.
පහත සඳහන් ප්‍රධාන කාර්ය භාරයන් මෙයට ඇතුළත් වේ:
(අ) අයවැය සකස් කිරීම සහ ක්‍රියාත්මක කිරීම, මූල්‍ය තත්වයන් සමාලෝචනය කිරීම, මූල්‍ය වාර්තා සකස් කිරීම, භාණ්ඩාගාරය විසින් හඳුන්වා දී ඇති ගිණුම්කරණ පද්ධති ක්‍රියාත්මක කිරීම, වැටුප් සැකසුම් පද්ධතිය ක්‍රියාත්මක කිරීම හා පවත්වාගෙන යාම සහ නිවැරදි අභ්‍යන්තර පාලන ක්‍රමවේදයන් පවත්වා ගෙන යාම.
(ආ) මුදල් හා සැපයුම් දෙපාර්තමේන්තුවෙහි සියලුම කාර්යයන් සපුරාලීම සඳහා අවශ්‍ය මානව සම්පත් කාර්යක්ෂම ලෙස භාවිතා කිරීම සහතික කරනු පිණිස, කාර්යාංශ තුනෙහි කාර්යය මණ්ඩලයට නායකත්වය සහ උපදේශකත්වය සැපයීම.
නම
ජී.එස්. කුමාර
ඊ-මේල් ලිපිනය
gamage_sk@parliament.lk
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
