2469/’12
ගරු රවී කරුණානායක මහතා,— අග්‍රාමාත්‍යතුමා සහ බුද්ධ ශාසන හා ආගමික කටයුතු අමාත්‍යතුමාගෙන් ඇසීමට,—
(අ) (i) මේ දක්වා පවත්වා ඇති “දැයට කිරුළ” ප්‍රදර්ශණ සංඛ්‍යාව කොපමණද;
(ii) එම එක් එක් ප්‍රදර්ශණය පැවැත්වූ ස්ථානය කවරේද;
(iii) එම එක් එක් ප්‍රදර්ශණය සඳහා වැයකළ මුදල කවරේද;
(iv) අනාගතයේදී පැවැත්වීමට සැලසුම්කර ඇති දැයට කිරුළ ප්‍රදර්ශණ කවරේද;
යන්න එතුමා සඳහන් කරන්නෙහිද?
(ආ) (i) අනුරාධපුර දිස්ත්‍රික්කයේ පැවති “දැයට කිරුළ” ප්‍රදර්ශණය පැවැත්වූ දිනය කවරේද;
(ii) එය පැවැත්වූ ස්ථානය සහ එකී ප්‍රදර්ශණ භූමිය සඳහා පවරාගත් ඉඩම් ප්‍රමාණය කවරේද;
(iii) එම ප්‍රදර්ශනය සඳහා වූ සමස්ත පිරිවැය සහ එක් එක් අමාත්‍යාංශය වෙනුවෙන් වැයකළ මුදල කොපමණද;
(iv) ඒ සඳහා ගනු ලැබූ ප්‍රාග්ධන භාණ්ඩ සඳහා වැයකළ මුදල සමස්ත වියදමේ ප්‍රතිශතයක් ලෙස කොපමණද;
(v) එම භූමියේ දැනට ඉතිරිව ඇති ප්‍රාග්ධන භාණ්ඩ හෝ ගොඩනැගිලි කවරේද;
(vi) එම ප්‍රදර්ශනය සඳහා ගනු ලැබූ ඉහත සඳහන් ප්‍රාග්ධන භාණ්ඩ සඳහා වැයකළ වියදම සාධාරණීකරණය කළ හැකිවන්නේ කෙසේද;
යන්නත් එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2013-05-08
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
විදුලි සංදේශ හා තොරතුරු තාක්ෂණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
"දැයට කිරුළ" ප්‍රදර්ශන : විස්තර
පිළිතුරු දුන් දිනය
2014-06-03
විසින් පිළිතුරු දෙන ලදී
ගරු රංජිත් සියඹලාපිටිය, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
