1994/2024
ගරු වාසුදේව නානායක්කාර මහතා,— මුදල්, ආර්ථික ස්ථායිකරණ සහ ජාතික ප්‍රතිපත්ති අමාත්‍යතුමාගෙන් ඇසීමට,—
(අ) (i) 2023 වර්ෂයේ පළමු කාර්තුවේදී ශ්‍රී ලංකා රක්ෂණ සංස්ථාවේ මහරගම සහ හිරිපිටිය යන ශාඛාවල විශාල මූල්‍ය අවභාවිතාවක් සිදුවී ඇති බව දන්නේද;
(ii) එසේ නම්, අවභාවිතා කරන ලද මුදල කොපමණද;
(iii) මේ සම්බන්ධයෙන් නීතිය ක්‍රියාත්මක කිරීම සඳහා සතියක හෝ සති දෙකක කාලයක් ගත වීමට නිලධාරින්ගේ අසත්භාවය හේතු වී තිබේද;
(iv) මෙම මූල්‍ය අවභාවිතාවයට සම්බන්ධ නිලධාරින් කවුරුන්ද;
(v) එම නිලධාරින්ට එරෙහිව ගනු ලබන ක්‍රියාමාර්ග කවරේද;
(vi) අවභාවිතා කරන ලද මුදල නැවත අයකර ගනු ලබන ආකාරය කවරේද;
යන්න එතුමා මෙම සභාවට දන්වන්නෙහිද?
(ආ) (i) ඉහත මූල්‍ය අවභාවිතාව සම්බන්ධයෙන් එම ශාඛාවල ප්‍රධානීන් අවසාන වගකීම දැරිය යුතු වන්නේද;
(ii) එසේ නම්, එම ප්‍රධානීන්ට එරෙහිව ගනු ලබන ක්‍රියාමාර්ග කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2024-05-13
අසන ලද්දේ
ගරු වාසුදේව නානායක්කාර මහතා, පා.ම.
අමාත්‍යාංශය
මුදල්, ආර්ථික ස්ථායීකරණ සහ ජාතික ප්‍රතිපත්ති
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
5
ශ්‍රී ලංකා රක්ෂණ සංස්ථාවේ මහරගම ශාඛාව: මූල්‍ය අවභාවිතය
පිළිතුරු දුන් දිනය
2024-05-13
විසින් පිළිතුරු දෙන ලදී
ගරු නීතිඥ (ආචාර්ය) සුසිල් ප්‍රේමජයන්ත, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
