2039/2024
ගරු විජිත හේරත් මහතා,— සංචාරක හා ඉඩම් අමාත්‍යතුමාගෙන් ඇසීමට,—
(අ) (i) 2023 ජනවාරි සිට මේ දක්වා සංචාරක කර්මාන්තය ආශ්‍රිතව සේවා සපයන්නන් සංඛ්‍යාව එක් එක් ක්ෂේත්‍රය අනුව වෙන් වෙන් වශයෙන් කොපමණද;
(ii) ඔවුන් අතරින් ශ්‍රී ලංකා සංචාරක සංවර්ධන අධිකාරියේ ලියාපදිංචි වී ඇති සහ නොමැති හඳුනාගත් සංඛ්‍යාව වෙන් වෙන් වශයෙන් කොපමණද;
(iii) ඔවුන් ලියාපදිංචි කරන ක්‍රමවේදය කවරේද;
(iv) ලියාපදිංචි සේවා සපයන්නන් අතරින් 2022 ජනවාරි සිට මේ දක්වා ලියාපදිංචිය අවලංගු කළ සංඛ්‍යාව කොපමණද;
(v) එම එක් එක් සේවා සපයන්නාගේ නම, ලිපිනය, ව්‍යාපාර නාමය, ලියාපදිංචිය අවලංගු කළ දිනය, අවලංගු කිරීමට හේතුව සහ ඒ සඳහා නිර්දේශ කරන ලද නිලධාරියාගේ නම හා තනතුර වෙන් වෙන් වශයෙන් කවරේද;
යන්න එතුමා සඳහන් කරන්නෙහිද?
(ආ) (i) සංචාරක කර්මාන්තයට අදාළ සංචාරක සංගම්වලින්/ආයතනවලින්/පුද්ගලයන්ගෙන් 2022 ජනවාරි සිට මේ දක්වා සංචාරක සංවර්ධන අධිකාරියට ලැබී ඇති පැමිණිලි/අභියාචනා සංඛ්‍යාව කොපමණද;
(ii) එම පැමිණිලි/අභියාචනා ඉදිරිපත් කළ සංගමයේ/ආයතනයේ/පුද්ගලයාගේ නම, ලිපිනය, පැමිණිල්ල/අභියාචනය ලැබුණු දිනය සහ ඒ සඳහා ගත් ක්‍රියාමාර්ග වෙන් වෙන් වශයෙන් කවරේද;
(iii) ඉහත පැමිණිලි/අභියාචනා සඳහා නිසි ක්‍රියාමාර්ග නොගත්තේ නම්, එයට හේතු කවරේද;
යන්නත් එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2024-04-24
අසන ලද්දේ
ගරු විජිත හේරත් මහතා, පා.ම.
අමාත්‍යාංශය
සංචාරක හා ඉඩම්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
5
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
