3633/’13
ගරු රන්ජන් රාමනායක මහතා,— විදේශ රැකියා ප්‍රවර්ධන හා සුබසාධන අමාත්‍යතුමාගෙන් ඇසීමට,—
(අ) (i) ශ්‍රී ලංකා විදේශ සේවා නියුක්ති කාර්යාංශයේ සහ රේඛීය අමාත්‍යාංශයේ අනුග්‍රහයෙන් පෞද්ගලික රූපවාහිනී නාලිකාවක විකාශනය වූ “රටවි‍රුවෝ ටැලන්ට් ස්ටාර්” රියැලිටි වැඩසටහනට ඇස්තමේන්තු කළ මුදල කොපමණද;
(ii) එම මුදලින් ශ්‍රී ලංකා විදේශ සේවා නියුක්ති කාර්යාංශය විසින් අදාළ රූපවාහිනී නාලිකාවට ගෙවූ මුදල කොපමණද;
(iii) රාජ්‍ය රූපවාහිනී නාලිකා තිබියදී පෞද්ගලික නාලිකාවකට එම වැඩසටහන ලබා දීමට හේතු කවරේද;
යන්න එතුමා මෙම සභාවට දන්වන්නෙහිද?
(ආ) (i) ඉහත වැඩසටහනේ විනිශ්චය මණ්ඩල සාමාජිකයන්ගේ සහ නිවේදන කටයුතු කළ අයගේ නම් කවරේද;
(ii) ඔවුන්ට ගෙවනු ලැබූ මුදල වෙන් වෙන් වශයෙන් කොපමණද;
(iii) විදේශගතවීම්වලදී එම එක් එක් පුද්ගලයා වෙනුවෙන් ගුවන්යානා ආසන වෙන් කිරීම සිදු කළ ආකාරය ආසන පන්තිය අනුව, වෙන් වෙන් වශයෙන් කවරේද;
(iv) එම නිවේදකයන්ට සහ විනිශ්චය මණ්ඩල සාමාජිකයන්ට නවාතැන් පහසුකම් සැලසූ හෝටල් සහ ඒ වෙනුවෙන් ඉහත කාර්යාංශය මගින් දැරූ මුදල වෙන් වෙන් වශයෙන් කොපමණද;
යන්න එතුමා සඳහන් කරන්නෙහිද?
(ඇ) මැද පෙරදිග ශ්‍රී ලාංකික ශ්‍රමිකයන් කඳවුරුවල දුක් විඳින විට, විශාල වියදමක් දරා රියැලිටි වැඩසටහන් පැවැත්වීම නුසුදුසු බව පිළිගන්නේද යන්නත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2013-11-05
අසන ලද්දේ
ගරු රන්ජන් රාමනායක මහතා, පා.ම.
අමාත්‍යාංශය
විදේශ රැකියා ප්‍රවර්ධන හා සුබසාධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
