4405/’13
ගරු බුද්ධික පතිරණ මහතා,— පොල් සංවර්ධන හා ජනතා වතු සංවර්ධන අමාත්‍යතුමාගෙන් ඇසීමට,—
(අ) 2013 වර්ෂයේ ජනවාරි සිට ඔක්තෝබර් දක්වා කාල සීමාව තුළදී ශ්‍රී ලංකාවේ ගෘහස්ථ පොල් පරිභෝජනය කොපමණද යන්න එතුමා සඳහන් කරන්නෙහිද?
(ආ) (i) එම කාල සීමාව තුළදී අපනයනය හා ආනයනය කරන ලද පොල් ප්‍රමාණය වෙන් වෙන් වශයෙන් කොපමණද;
(ii) ශ්‍රී ලංකාව තුළ නිෂ්පාදනය කරනු ලබන අපනයනය ඉලක්ක කර ගත් පොල් ආශ්‍රිත නිෂ්පාදනයන් කවරේද;
(iii) එම එක් එක් නිෂ්පාදනයන්ගෙන් වාර්ෂිකව අපනයනය කරනු ලබන ප්‍රමාණය වෙන් වෙන් වශයෙන් කොපමණද;
යන්න එතුමා සභාගත කරන්නෙහිද?
(ඇ) (i) ඉහත (අ) හි සඳහන් කාල සීමාව තුළදී පොල් වතුර අපනයනය කර තිබේද;
(ii) එසේ නම්, එම පොල් වතුර අපනයනය කර ඇත්තේ පොල් වතුර ස්වරූපයෙන්ද; නැතහොත්, පොල් වතුර ආශ්‍රිත නිෂ්පාදනයන් වශයෙන්ද;
(iii) පොල් වතුර හෝ ඒ ආශ්‍රිත නිෂ්පාදන අපනයනය කළ රටවල් කවරේද;
(iv) එම අපනයනයන්ගේ ප්‍රමාණය කොපමණද;
(v) පොල් වතුර හෝ ඒ ආශ්‍රිත නිෂ්පාදන අපනයනය කිරීම තුළින් ලැබූ මුළු ආදායම කොපමණද;
යන්න එතුමා මෙම සභාවට දන්වන්නෙහිද?
(ඈ) (i) ශ්‍රී ලංකාව තුළ පොල් නිෂ්පාදනය ආරම්භ කරන්නෙකු සඳහා රජය මගින් ලබා දිය හැකි සහන කවරේද;
(ii) එම සහන ලබා ගැනීම සඳහා නිෂ්පාදකයෙකු විසින් අනුගමනය කළ යුතු ක්‍රමවේදය කවරේද;
යන්නත් එතුමා සඳහන් කරන්නෙහිද?
(ඉ) නොඑසේ නම්, ඒ මන්ද?
අසන ලද දිනය
2014-11-21
අසන ලද්දේ
ගරු බුද්ධික පතිරණ මහතා, පා.ම.
අමාත්‍යාංශය
වැවිලි කර්මාන්ත
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පොල් ආශ්‍රිත නිෂ්පාදන අපනයනය: විස්තර
පිළිතුරු දුන් දිනය
2015-02-20
විසින් පිළිතුරු දෙන ලදී
ගරු නීතිඥ ලක්ෂ්මන් කිරිඇල්ල, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
