6034/’15
ගරු විජිත හේරත් මහතා,— සෞඛ්‍ය හා දේශීය වෛද්‍ය අමාත්‍යතුමාගෙන් ඇසීමට,—
(අ) (i) හෝමියෝපති පනත අනුව වර්ෂ 2006 - 2011 දක්වා කාල සීමාව සඳහා පත්කර තිබූ හෝමියෝපති වෛද්‍ය සභාව ආණ්ඩුක්‍රම ව්‍යවස්ථාවේ 12 සහ 14 වගන්තිවලට පටහැනිව 2009.10. 29 දින විසුරුවා හැර ඇති බවත්;
(ii) ඒ හේතුවෙන් 2006 වර්ෂයේ පත්වූ එකී වෛද්‍ය සභාවේ සාමාජිකයන්ගේ මූලික අයිතිවාසිකම් උල්ලංඝනය වී ඇති බවත්;
(iii) විසුරුවන ලද වෛද්‍ය සභාව වෙනුවට එවකට විෂයභාර අමාත්‍යවරයා විසින් නීත්‍යානුකූල නොවන අතුරු කමිටුවක් පත් කළ බවත්;
එතුමා දන්නෙහිද?
(ආ) (i) ඉහත (අ) (iii) හි සඳහන් පත් කිරීම අනුමත කරන්නේද;
(ii) එම අතුරු කමිටුව විසින් සිදු කළ අංක 184 සිට 275 දක්වා වෛද්‍යවරුන් ලියාපදිංචිය තුළින් හෝමියෝපති පනත උල්ලංඝනය වී තිබේද;
(iii) එසේ නම්, එම පත්වීම් අවලංගු කරන්නේද;
(iv) අවලංගු කරන දිනය කවරේද;
යන්න එතුමා මෙම සභාවට දන්වන්නෙහිද?
(ඇ) (i) හෝමියෝපති පනතේ 20 වැනි වගන්තිය යටතේ ලේඛකාධිකාරීවරයෙකු පත්කිරීමට වෛද්‍ය සභාවකට පමණක් ඇති බලය අභිබවා එවකට පැවති දේශීය වෛද්‍ය අමාත්‍යාංශයේ ලේකම්වරයා විසින් එම්. ඒ. පෙරේරා මහතාව ලේඛකාධිකාරී ලෙස පත්කිරීම නීත්‍යානුකූල වන්නේද;
(ii) නොඑසේ නම්, එම පත්කිරීම නිවැරදි කිරීමට ගන්නා පියවර කවරේද;
යන්න එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2015-05-19
අසන ලද්දේ
ගරු විජිත හේරත් මහතා, පා.ම.
අමාත්‍යාංශය
සෞඛ්‍ය හා දේශීය වෛද්‍ය
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
