ගරු පද්ම උදයශාන්ත ගුණසේකර මහතා,— ප්‍රවාහන හා සිවිල් ගුවන් සේවා අමාත්‍යතුමාගෙන් ඇසීමට,— (1)
(අ) (i) යාපනය දක්වා දිවෙන උතුරු දුම්රිය මාර්ගය ඉදිකරන ලද වර්ෂය කවරේද;
(ii) 1983 වර්ෂය වනවිට යාල්දේවි දුම්රිය උතුරු දුම්රිය මාර්ගය තුළ දිනකට ගමන් කරන ලද වාර සංඛ්‍යාව කොපමණද;
(iii) 1983 වර්ෂය වනවිට කොළඹ සිට යාපනය දක්වා ද යාපනයේ සිට කොළඹ දක්වා ද වාර්ෂිකව ගමන් ගත් මගීන් සංඛ්‍යාව කොපමණද;
(iv) වර්ෂ 1980 සිට 1983 දක්වා ලැබූ වාර්ෂික ආදායම, එක් එක් වර්ෂය අනුව වෙන් වෙන් වශයෙන් කොපමණද;
(v) දුම්රිය මාර්ගය ත්‍රස්තවාදී ප්‍රහාරයෙන් විනාශ කරන ලද දිනය කවරේද;
(vi) ප්‍රහාරය එල්ල වූ ස්ථානය කවරේද;
(vii) සිදු වූ විනාශය කොපමණදැයි ගණනය කර තිබේද;
(viii) එසේ නම්, එය කොපමණද;
යන්න එතුමා මෙම සභාවට දන්වන්නෙහිද?
(ආ) (i) 2009 යුද්ධය නිම වීමෙන් පසු උතුරු දුම්රිය මාර්ගය පිළිසකර කිරීමට එක් එක් වර්ෂයේදී වෙන්කළ මුදල කොපමණද;
(ii) දැනට ගමන් ගන්නා වාර සංඛ්‍යාව කොපමණද;
(iii) 2009 සිට මේ දක්වා එක් එක් වර්ෂයේදී ගමන් කර ඇති මගීන් සංඛ්‍යාව කොපමණද;
(iv) ඉහත (iii) හි සඳහන් එක් එක් වර්ෂය තුළ ලබා ඇති ආදායම කොපමණද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-06-07
අසන ලද්දේ
ගරු පද්ම උදයශාන්ත ගුණසේකර මහතා, පා.ම.
අමාත්‍යාංශය
ප්‍රවාහන හා සිවිල් ගුවන් සේවා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
උතුරු දුම්රිය මාර්ගය: විස්තර
පිළිතුරු දුන් දිනය
2017-06-07
විසින් පිළිතුරු දෙන ලදී
ගරු අශෝක් අබේසිංහ, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
