1300/’16
ගරු ඩලස් අලහප්පෙරුම මහතා,— මුදල් හා ජනමාධ්‍ය අමාත්‍යතුමාගෙන් ඇසීමට,—
(අ) (i) ඉකුත් රජය විසින් රජයේ ක්ෂේත්‍ර නිලධාරින් සඳහා සහනදායි පදනම මත යතුරුපැදි ලබාදීමේ වැඩසටහනක් ක්‍රියාත්මක කළ බව දන්නේද;
(ii) ඒ යටතේ මාතර දිස්ත්‍රික්කයේ රාජ්‍ය නිලධාරින්ට ලබා දෙන ලද යතුරුපැදි සංඛ්‍යාව, ඔවුන්ගේ වෘත්තිය සහ ප්‍රාදේශීය ලේකම් කොට්ඨාසය අනුව වෙන් වෙන් වශයෙන් කවරේද;
(iii) එක් යතුරුපැදියක් සඳහා අදාළ නිලධාරියාගේ මූල්‍ය දායකත්වය හා රජයේ දායකත්වය වෙන් වෙන් වශයෙන් කවරේද;
යන්න එතුමා මෙම සභාවට දන්වන්නෙහිද?
(ආ) (i) දායකත්ව මුදල නැවත ගෙවනු ලබන බවත්, සියලු රාජ්‍ය සේවකයන්ට නොමිලේ යතුරුපැදි ලබා දෙන බවටත් වත්මන් රජය පොරොන්දු වූ බව දන්නේද;
(ii) නැවත ගෙවනු ලැබූ මුදල් හිමිකර ගත් රාජ්‍ය සේවකයන් සංඛ්‍යාව, ප්‍රාදේශීය ලේකම් කොට්ඨාසය අනුව වෙන් වෙන් වශයෙන් කවරේද;
(iii) 2015 සහ 2016 වර්ෂයන්හි රජයේ පූර්ණ අනුග්‍රහය මත යතුරුපැදි හිමිකර ගත් රාජ්‍ය සේවකයන් සංඛ්‍යාව, ප්‍රාදේශීය ලේකම් කොට්ඨාසය අනුව වෙන් වෙන් වශයෙන් කවරේද;
(iv) දිස්ත්‍රික්කයේ යතුරුපැදි ලබා ගැනීමට හිමිකම් ඇති ඉතිරි රාජ්‍ය සේවකයන් සංඛ්‍යාව කොපමණද;
(v) ඔවුන්ට නොමිලේ යතුරුපැදි ලබා දෙන දිනය කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-05-23
අසන ලද්දේ
ගරු ඩලස් අලහප්පෙරුම මහතා, පා.ම.
අමාත්‍යාංශය
මුදල්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
රාජ්‍ය සේවකයන්ට යතුරුපැදි ලබා දීම: මාතර දිස්ත්‍රික්කය
පිළිතුරු දුන් දිනය
2017-07-25
විසින් පිළිතුරු දෙන ලදී
ගරු ඉරාන් වික්‍රමරත්න, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
