2125/’17
ගරු ඉ. චාල්ස් නිර්මලනාදන් මහතා,— උසස් අධ්‍යාපන හා මහාමාර්ග අමාත්‍යතුමාගෙන් ඇසීමට,—
(අ) (i) 2016 වර්ෂයේ මාර්තු මස මන්නාරම දිස්ත්‍රික්කයේ ආරම්භ කළ ශ්‍රී ලංකා විවෘත විශ්වවිද්‍යාලයේ අධ්‍යයන මධ්‍යස්ථානය (Study Centre) මේ දක්වා තාවකාලික ගොඩනැගිල්ලක ක්‍රියාත්මක වෙමින් පවතින බවත්;
(ii) ස්ථීර ගොඩනැගිල්ලක් ඉදිකිරීම සඳහා ඉඩමක් වෙන් කර ඇතත්, මේ දක්වා ඉදිකිරීම් කටයුතු ආරම්භ කර නොමැති බවත්;
(iii) 2017.06.20 දින ඉදිකිරීම් කටයුතු සිදු කිරීම සඳහා ප්‍රතිපාදන වෙන් කරන මෙන් මවිසින් ලිඛිත ඉල්ලීමක් සිදු කළ බවත්;
(iv) උතුරු පළාතේ, වවුනියාව, මුලතිව්, යාපනය හා කිලිනොච්චිය යන දිස්ත්‍රික්ක හතර තුළ විවෘත විශ්වවිද්‍යාලයේ ප්‍රාදේශීය මධ්‍යස්ථාන/ අධ්‍යයන මධ්‍යස්ථාන සඳහා ස්ථිර ගොඩනැගිලි තිබෙන නමුත්, මන්නාරම දිස්ත්‍රික්කය සඳහා පමණක් ස්ථිර ගොඩනැගිල්ලක් නොමැති බවත්;
එතුමා දන්නෙහිද?
(ආ) ඉදිරියේදී සිදු කරනු ලබන මුදල් වෙන්කිරීම්වලදී, දැනට මන්නාරම දිස්ත්‍රික්කයේ තාවකාලික ගොඩනැගිල්ලක ක්‍රියාත්මක වන විවෘත විශ්වවිද්‍යාලයේ අධ්‍යයන මධ්‍යස්ථානය සඳහා ස්ථිර ගොඩනැගිල්ලක් ඉදිකිරීමට ඔබ අමාත්‍යාංශයෙන් ප්‍රතිපාදන වෙන් කිරීමට පියවර ගන්නේද යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-11-16
අසන ලද්දේ
ගරු චාල්ස් නිර්මලනාදන් මහතා, පා.ම.
අමාත්‍යාංශය
මහාමාර්ග හා මාර්ග සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
