2216/’17
ගරු එස්. ශ්‍රීතරන් මහතා,— අග්‍රාමාත්‍යතුමා සහ ජාතික ප්‍රතිපත්ති හා ආර්ථික කටයුතු අමාත්‍යතුමාගෙන් ඇසීමට,—
(අ) (i) 2006 වර්ෂය දක්වා උතුරු නැගෙනහිර ප්‍රදේශවල දෙමළ පුනරුත්ථාපන සංවිධානය නමැති ස්වේච්ඡා සංවිධානයක් ක්‍රියාත්මක වූ බවත්;
(ii) 2006 වර්ෂයෙන් පසු එහි ක්‍රියාකාරකම් අත්හිටුවා ඇති බවත්;
(iii) මෙම සංවිධානය ශ්‍රී ලංකාව තුළ තහනම් කරන විට රුපියල් කෝටි ගණනක මුදලක් ශ්‍රී ලංකාව තුළ පිහිටි බැංකු විසින් අත්හිටුවා ඇති බවත්;
එතුමා දන්නෙහිද?
(ආ) (i) දෙමළ පුනරුත්ථාපන සංවිධානය ශ්‍රී ලංකාව තුළ අනුමත ස්වේච්ඡා සංවිධානයක් වශයෙන් ක්‍රියාකාරී වූ කාලවකවානුව කවරේද;
(ii) මෙම සංවිධානය ශ්‍රී ලංකාව තුළ ගිණුම් පවත්වාගෙන යනු ලැබූ බැංකු කවරේද;
(iii) එම එක් එක් බැංකුවේ තැන්පත් කර තිබූ මුදල් ප්‍රමාණය වෙන් වෙන් වශයෙන් කවරේද;
යන්න එතුමා මෙම සභාවට දන්වන්නෙහිද?
(ඇ) (i) මෙම ස්වේච්ඡා සංවිධානය ශ්‍රී ලංකාව තුළ තහනම් කරන ලද දිනය කවරේද;
(ii) තහනම් කරන අවස්ථාවේදී මෙම සංවිධානය සතුව තිබූ චංචල, නිශ්චල හා ද්‍රවශීල වත්කම්වල වටිනාකම කොපමණද;
(iii) එම වත්කම්වලට සිදුවූයේ කුමක්ද;
යන්නත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2017-11-16
අසන ලද්දේ
ගරු සිවඥානම් ශ්‍රීතරන් මහතා, පා.ම.
අමාත්‍යාංශය
අග්‍රාමාත්‍යතුමා සහ ජාතික ප්‍රතිපත්ති හා ආර්ථික කටයුතු අමාත්‍යතුමා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
