596/’18
ගරු (ආචාර්ය) බන්දුල ගුණවර්ධන මහතා,— කර්මාන්ත හා වාණිජ කටයුතු අමාත්‍යතුමාගෙන් ඇසීමට,—
(අ) (i) දේශීය කර්මාන්තකරුවන් මුහුණපාන ගැටලු හා ඒවාට ලබාදිය හැකි විසඳුම් පිළිබඳව 2018.03.05 දින ජනාධිපතිවරයාගේ ප්‍රධානත්වයෙන් රැස්වීමක් පැවැත්වූ බවත්;
(ii) එහිදී උක්ත විෂය හා සම්බන්ධිත කරුණු අධ්‍යයනය කර විසඳුම් ඉදිරිපත් කිරීම පිණිස කමිටුවක් පත් කළ බවත්;
එතුමා පිළිගන්නෙහිද?
(ආ) (i) මේ වනවිට ඉහත කමිටුව රැස් වී ඇති වාර ගණන සහ ගනු ලැබූ ප්‍රධාන තීරණ කවරේද;
(ii) විදේශිකයන්ට ශ්‍රී ලංකාව තුළ සිල්ලර වෙළඳාමෙහි යෙදීමට ඇති ඉඩ ප්‍රස්ථාව ඇහිරීම වෙනුවෙන් ජනාධිපතිවරයා විසින් කරනු ලැබූ නිර්දේශය සම්බන්ධයෙන් මේ වනවිට ගෙන ඇති ප්‍රතිපත්තිමය තීරණ කවරේද;
(iii) දේශීය කර්මාන්ත, සේවා හා වෙනත් ව්‍යාපාර සඳහා තර්ජනයක් විය හැකි එට්කා ගිවිසුම පමා කිරීමට හෝ අත්හිටුවීමට උක්ත රැස්වීමේදී උපදෙස් ලබා දුන්නේද;
(iv) උක්ත රැස්වීමෙන් පසු ඇතිවූ කාර්යසාධනය පිළිබඳ සංක්‍ෂිප්ත විස්තරයක් ඉදිරිපත් කරන්නේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2018-10-25
අසන ලද්දේ
ගරු (ආචාර්ය) බන්දුල ගුණවර්ධන මහතා, පා.ම.
අමාත්‍යාංශය
කර්මාන්ත හා වාණිජ කටයුතු
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
2
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
