1115/’18
ගරු දයාසිරි ජයසේකර මහතා,— වැවිලි කර්මාන්ත අමාත්‍යතුමාගෙන් ඇසීමට,—
(අ) (i) ශ්‍රී ලංකාව වාර්ෂිකව අපනයන කරනු ලබන තේ මෙට්‍රික් ටොන් ප්‍රමාණය කොපමණද;
(ii) ශ්‍රී ලංකාවෙන් තේ මිලදී ගන්නා රටවල් කවරේද;
(iii) තේ අපනයනය කිරීමේදී තේ තොග ශ්‍රී ලංකා තේ මණ්ඩලය විසින් විධිමත් පරීක්ෂණයන්ට යටත් කර නිසි අධීක්ෂණයක් යටතේ අපනයනය කරනු ලබන්නේද;
(iv) නොඑසේ නම්, අපනයනය කරනු ලබන තේවල ගුණාත්මකභාවය පිළිබඳව වගකීම දරනු ලබන්නේ කවුරුන් විසින්ද;
යන්න එතුමා මෙම සභාවට දන්වන්නෙහිද?
(ආ) (i) තේ දළු වියලීමේදී හෝ තේ බවට පත් කිරීමේ ක්‍රියාවලියේදී කර්මාන්ත ශාලා තුළ දී සීනි හෝ වෙනත් රසකාරක, වර්ණ කාරක එක් කිරීම් පසුගිය කාලසීමාවේදී සිදු කර තිබේද;
(ii) ඒ පිළිබඳව පරීක්ෂණ මඟින් තහවුරු කරගෙන තිබේද;
(iii) තේවල සීනි සාන්ද්‍රණය මැනීමේ මිනුම් ඒකකයක් පවතීද;
(iv) තේවල ගුණාත්මකභාවයට හානිකර අන්දමින් කටයුතු කරන්නන්ට එරෙහිව ගනු ලබන ක්‍රියාමාර්ග කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2018-09-19
අසන ලද්දේ
ගරු දයාසිරි ජයසේකර මහතා, පා.ම.
අමාත්‍යාංශය
වැවිලි කර්මාන්ත
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
2
තේ අපනයනය : ගුණාත්මකභාවය පිළිබඳ වගකීම
පිළිතුරු දුන් දිනය
2018-09-19
විසින් පිළිතුරු දෙන ලදී
ගරු ඒ. ඩී. ප්‍රේමදාස, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
