1128/’18
ගරු එස්. ශ්‍රීතරන් මහතා,— ප්‍රවාහන හා සිවිල් ගුවන් සේවා අමාත්‍යතුමාගෙන් ඇසීමට,—
(අ) වර්ෂ 2012 සිට 2016 දක්වා ශ්‍රී ලංකා දුම්රිය දෙපාර්තමේන්තුව,
(i) ලැබූ මුළු ආදායම;
(ii) උතුරු සහ නැගෙනහිර පළාත්වලින් ලැබූ ආදායම;
වෙන් වෙන් වශයෙන් කවරේද යන්න එතුමා මෙම සභාවට දන්වන්නෙහිද?
(ආ) (i) උතුරු සහ නැගෙනහිර පළාත්වල පිහිටි ප්‍රධාන සහ උප දුම්රිය ස්ථාන සංඛ්‍යාව වෙන් වෙන් වශයෙන් කොපමණද;
(ii) උතුරු පළාතේ වවුනියාවේ සිට කන්කසන්තුරෛ දක්වා පිහිටි ප්‍රධාන හා උප දුම්රිය ස්ථාන සංඛ්‍යාව කොපමණද;
(iii) මැදවච්චි‍යේ සිට තලෛමන්නාරම දක්වා පිහිටි ප්‍රධාන හා උප දුම්රිය ස්ථාන සංඛ්‍යාව කොපමණද;
(iv) උතුරු පළාතේ දුම්රිය ස්ථානවල සේවයේ නියුතු දුම්රිය ස්ථානාධිපතිවරු හා සේවකයන් අතරින් සිංහල හා දෙමළ මාධ්‍යයෙන් සේවය කරනු ලබන සංඛ්‍යාව වෙන් වෙන් වශයෙන් කවරේද;
යන්නත් එතුමා මෙම සභාවට දන්වන්නෙහිද?
(ඇ) (i) පළමුවැනි පන්තියේ නිදන මැදිරි සහිතව ධාවනය වන දුම්රිය ගමනාන්තයන් කවරේද;
(ii) යාපනය දක්වා ගමන් කරන දුම්රියවල පළමුවැනි පන්තියේ නිදන මැදිරි නොමැති වීමට හේතුව කවරේද;
යන්න තවදුරටත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2018-07-20
අසන ලද්දේ
ගරු සිවඥානම් ශ්‍රීතරන් මහතා, පා.ම.
අමාත්‍යාංශය
ප්‍රවාහන හා සිවිල් ගුවන් සේවා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
2
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
