451/’19
ගරු බිමල් රත්නායක මහතා,— ප්‍රාථමික කර්මාන්ත හා සමාජ සවිබලගැන්වීම් අමාත්‍යතුමාගෙන් ඇසීමට,—
(අ) (i) වයස අවුරුදු 70 සම්පූර්ණ කරන ලද ජ්‍යෙෂ්ඨ පුරවැසියන් වෙත ගෙවීමට වෙන් කරන ලද මාසික දීමනාව රු. 2000/-ක් බවත්;
(ii) 2016 ජනවාරි මාසයේ සිට එම මුදලින් රු. 100/-ක් නොගෙවා රඳවා ගන්නා බවත්;
(iii) මෙලෙස රඳවා ගන්නා මුදල සමාජ ආරක්ෂණ අරමුදල නමින් ගිණුමකට රැස්කරන බව නිලධාරින් දන්වා ඇති බවත්;
එතුමා දන්නෙහිද?
(ආ) (i) මෙලෙස වැඩිහිටි දීමනාවෙන් මුදල් අයකිරීම සම්බන්ධයෙන් ජ්‍යෙෂ්ඨ පුරවැසියන් දක්වන විරෝධය මත එම මුදල අය කිරීම අත්හිටුවීමට ක්‍රියා කරන්නේද;
(ii) මේ වනතෙක් අයකරගෙන ඇති මුදලේ එකතුව කොපමණද;
(iii) එම මුදලින් ජ්‍යෙෂ්ඨ පුරවැසියන්ගේ යහපත පිණිස මේ දක්වා ගෙන ඇති පියවර කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2019-07-23
අසන ලද්දේ
ගරු බිමල් රත්නායක මහතා, පා.ම.
අමාත්‍යාංශය
ප්‍රාථමික කර්මාන්ත සහ සමාජ සවිබලගැන්වීම්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
ජ්‍යෙෂ්ඨ පුරවැසි දීමනාවෙන් රුපියල් 100ක් රඳවා ගැනීම: අත්හිටුවීම
පිළිතුරු දුන් දිනය
2019-07-23
විසින් පිළිතුරු දෙන ලදී
ගරු ගයන්ත කරුණාතිලක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
