776/’19
ගරු ඉන්දික අනුරුද්ධ හේරත් මහතා,— සෞඛ්‍ය, පෝෂණ හා දේශීය වෛද්‍ය අමාත්‍යතුමාගෙන් ඇසීමට,—
(අ) (i) වර්ෂ 2016 සිට 2018 අගෝස්තු 30 දින තෙක් සෞඛ්‍ය, පෝෂණ හා දේශීය වෛද්‍ය අමාත්‍යාංශය විසින් ආනයනය කරනු ලැබූ වෛද්‍ය උපකරණ හා ඖෂධ සඳහා වැය වූ ආනයනික පිරිවැය එක් එක් වර්ෂය අනුව කොපමණද;
(ii) වර්ෂ 2016 සිට 2018 අගෝස්තු 30 දින තෙක් ඉන්දියාවෙන් ආනයනය කළ වෛද්‍ය උපකරණ හා ඖෂධ සඳහා වැය වූ පිරිවැය එක් එක් වර්ෂය අනුව කොපමණද;
(iii) දේශීය සැපයුම්කරුවන්ගෙන් ඖෂධ ඇතුළු වෛද්‍ය උපකරණ මිලදී ගැනීමේදී සිදු කරනු ලබන ටෙන්ඩර් පටිපාටිය විධිමත් දැයි පිළිගන්නේද;
(iv) එසේ නම්, 2018 වර්ෂය තුළ දේශීය වශයෙන් සැපයුම් සිදුකළ සමාගම්වල නම් සහ ලිපිනයන් කවරේද;
යන්න එතුමා සඳහන් කරන්නෙහිද?
(ආ) (i) ආනයනය කරනු ලබන ඖෂධ භාවිතයට නුසුදුසු හෝ නියමිත ප්‍රමිතියෙන් තොර වන්නේද යන්න පරීක්ෂා කරන්නේද;
(ii) එසේ නම්, වර්ෂ 2016 සිට 2018 අගෝස්තු 30 දක්වා කාලය තුළ එසේ හඳුනාගත් ඖෂධ හා උපකරණවල ආනයනික පිරිවැය කොපමණද;
(iii) නිසි ප්‍රමිතියෙන් තොර ඖෂධ වෙළෙඳපොළට නිකුත් වී රෝගීන්ගේ භාවිතයට ලැබීම බරපතළ සෞඛ්‍ය ගැටලු ඇති කරන්නක් බව පිළිගන්නේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2019-08-09
අසන ලද්දේ
ගරු ඉන්දික අනුරුද්ධ හේරත් මහතා, පා.ම.
අමාත්‍යාංශය
සෞඛ්‍ය, පෝෂණ හා දේශීය වෛද්‍ය
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
ඖෂධ හා වෛද්‍ය උපකරණවල ආනයනික පිරිවැය: විස්තර
පිළිතුරු දුන් දිනය
2019-08-09
විසින් පිළිතුරු දෙන ලදී
ගරු රාජිත සේනාරත්න, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
