876/’19
ගරු තේනුක විදානගමගේ මහතා,— නගර සැලසුම්, ජලසම්පාදන සහ උසස් අධ්‍යාපන අමාත්‍යතුමාගෙන් ඇසීමට,—
(අ) (i) 2013 වර්ෂයේදී බදුල්ල දිස්ත්‍රික්කයේ, මහියංගණය මැතිවරණ කොට්ඨාසයේ ආරම්භ කරන ලද පානීය ජල යෝජනා ක්‍රමය පිළිබඳ වත්මන් තත්ත්වය කවරේද;
(ii) එම ඒකාබද්ධ ජල ව්‍යාපෘතියේ පළමු අදියර මඟින් පානීය ජල පහසුකම් ලබා දිය යුතුව තිබූ පවුල් සංඛ්‍යාව කොපමණද;
(iii) පානීය ජලය ලබා දීමට නොහැකි වූ පවුල් සංඛ්‍යාව කොපමණද;
(iv) එම ජල ව්‍යාපෘතියේ වර්තමාන තත්ත්වය කවරේද;
(v) මෙම ජල ව්‍යාපෘතියේ දෙවන අදියර ආරම්භ කිරීමේ සූදානමක් තිබේද;
(vi) එසේ නම්, ඒ පිළිබඳ වත්මන් තත්ත්වය කවරේද;
යන්න එතුමා මෙම සභාවට දන්වන්නෙහිද?
(ආ) වකුගඩු රෝගීන් විශාල සංඛ්‍යාවක් වෙසෙන මහියංගණය මැතිවරණ කොට්ඨාසයේ ජනතාවගේ පානීය ජල අවශ්‍යතා සම්පූර්ණ කිරීමට අමාත්‍යාංශය ගනු ලබන පියවර කවරේද යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2019-09-06
අසන ලද්දේ
ගරු තේනුක විදානගමගේ මහතා, පා.ම.
අමාත්‍යාංශය
නගර සැලසුම්, ජලසම්පාදන සහ උසස් අධ්‍යාපන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
මහියංගණය පානීය ජල යෝජනා ක්‍රමය: වර්තමාන තත්ත්වය
පිළිතුරු දුන් දිනය
2019-09-06
විසින් පිළිතුරු දෙන ලදී
ගරු ගයන්ත කරුණාතිලක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
