949/’19
ගරු මුහම්මදු නසීර් මහතා,— තැපැල් සේවා හා මුස්ලිම් ආගමික කටයුතු අමාත්‍යතුමාගෙන් ඇසීමට,—
(අ) (i) හජ් වන්දනා සඳහා බැතිමතුන් රැගෙන යෑම පිණිස නවක නියෝජිතයන් /ආයතන තෝරා ගැනීමේදී වසර පහක් සම්පූර්ණ වූ උම්රා බලපත්‍ර හිමියන් සහ ආයතනවලට ප්‍රමුඛත්වය ලබාදීමේ පිළිවෙතක් අනුගමනය කරන බව ඔබ අමාත්‍යාංශයෙන් / මුස්ලිම් ආගමික හා සංස්කෘතික කටයුතු දෙපාර්තමේන්තුවෙන් නිවේදනයක් කරන ලද බව දන්නේද;
(ii) එසේ නම්, හජ් වන්දනා සඳහා බැතිමතුන් රැගෙන යෑම පිණිස තෝරා ගනු ලැබූ නියෝජිතයන් සහ ආයතන අතරින් බැතිමතුන්ගෙන් අයකරන මුදල් ප්‍රමාණයේ අවම ලංසුව ඉදිරිපත් කරනු ලැබූ “GI Travels” (ලි.ප. අංක MRCA/umra/041/2018) ආයතනය වෙත ඒ සඳහා අනුමතිය ලබාදීම පැහැර හැරීමට හේතුව කවරේද;
(iii) වසර පහකට අධික කාලයක් උම්රා බලපත්‍රය හිමි, සතුටුදායක ලෙස වගකීම් ඉටුකරන සහ ඒ පිළිබඳව වඩාත් හැකියාවන් තිබෙන එම ආයතනය අවම වියදමින් හජ් බැතිමතුන් මක්කමට රැගෙන යෑමට ඉදිරිපත් වී සිටින බැවින් එම නියෝජිත ආයතනයටද ඒ සඳහා අවස්ථා ලබා දෙන්නේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2019-07-12
අසන ලද්දේ
ගරු මුහම්මදු නසීර් මහතා, පා.ම.
අමාත්‍යාංශය
තැපැල් සේවා හා මුස්ලිම් ආගමික කටයුතු
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
3
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
