0893/’10
ගරු හරින් ප්‍රනාන්දු මහතා,— අධ්‍යාපන අමාත්‍යතුමාගෙන් ඇසීමට,—
(අ) (i) අ.පො.ස. උසස් පෙළ විභාගයට පෙනී සිටින ප්‍රධාන පාසල්වල සිසු දරුවන්ට study leave (අධ්‍යන නිවාඩු) නමින් නිවාඩු ලබාදෙන බවත්;
(ii) අ.පො.ස. උසස් පෙළ විභාගයට පෙනී සිටින දරුවන්ට වාර අවසානය වන විට විෂය නිර්දේශයට අයත් පාඩම් මාලා අවසන් කළයුතු වුවත් අදාළ විෂය භාර ගුරුවරුන් විසින් පාසල් කාල සීමාව තුළදීම උපකාරක පන්ති ( tuition classes) පවත්වන බවත්;
(iii) එම පන්ති පැවැත්වීම සඳහා ඉහත සඳහන් කළ පරිදි ‘අධ්‍යයන නිවාඩු’ ලබා දී ඇති බවත්; එතුමා දන්නෙහිද?
(ආ) ඉහත පරිදි නිවාඩු ලබාදීමට අනුමත කර ඇත්තේ කවුරුන් විසින්ද යන්න එතුමා සඳහන් කරන්නෙහිද?
(ඇ) ‘අධ්‍යයන නිවාඩු’ නිවාඩු ලබාදෙමින් පාසල් කාල සීමා තුළ පන්ති නොපවත්වා එකී කාල සීමාව තුළම මුදලට අමතර පන්ති පවත්වන රජයේ පාසල් ගුරුවරුන් පිළිබඳව සොයා බලා ඔවුන්ට එරෙහිව විනයානුකූලව කටයුතු කරන්නේද යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2011-02-24
අසන ලද්දේ
ගරු හරීන් ප්‍රනාන්දු මහතා, පා.ම.
අමාත්‍යාංශය
අධ්‍යාපන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
