859/2023
ගරු නීතිඥ රවුෆ් හකීම් මහතා,— සෞඛ්‍ය අමාත්‍යතුමාගෙන් ඇසීමට,—
(අ) (i) කොවිඩ්-19 හේතුවෙන් මිය ගිය පුද්ගලයන්ගේ මරණ ආදාහනය කිරීම සම්බන්ධයෙන් වන ප්‍රතිපත්තිමය තීරණය ගැනීමේදී “ප්‍රවීණයින්ගේ කමිටුවක්” විසින් සෞඛ්‍ය අමාත්‍යාංශය නොමඟ යැවීමකට ලක්කර ඇති බවට 2022/11/29 දින දේශීය වෛද්‍ය රාජ්‍ය අමාත්‍යවරයා විසින් සිදු කරන ලද ප්‍රකාශය සමඟ එතුමා එකඟ වන්නේද;
(ii) ඉහත සඳහන් කරන ලද කමිටුව රජය මඟින් පත්කරන ලද කමිටුවක්ද;
යන්න එතුමා මෙම සභාවට දන්වන්නෙහිද?
(ආ) ඉහත කමිටුව රජය මඟින් පත් කරන ලද කමිටුවක් නම් —
(i) එමඟින් කොවිඩ්-19 මරණවල අවසන් කටයුතු සිදු කරන ආකාරය පිළිබඳව විශේෂයෙන් සිදුකරන ලද නිර්දේශ;
(ii) පත්කිරීම් බලධාරියා;
(iii) යො‍මු කිරීමේ අනුදේශ සහ/හෝ අධිකාරි බලය;
(iv) සාමාජිකයන්ගේ නම් සහ තනතුරු;
(v) සභාපතිවරයාගේ නම;
(vi) එය අඛණ්ඩව රැස් වන්නේද;
(vii) නොඑසේ නම්, එය අවසන් වරට රැස්වූ දිනය;
(viii) මේ දක්වා පවත්වා ඇති රැස්වීම් සංඛ්‍යාව;
(ix) රැස්වීම් පවත්වනු ලබන ස්ථානය;
(x) එකී එක් එක් රැස්වීමේ මූලාසනය දරන ලද තැනැත්තන්ගේ නම් වෙන් වෙන් වශයෙන්;
කවරේද යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2023-03-10
අසන ලද්දේ
ගරු නීතිඥ රවුෆ් හකීම් මහතා, පා.ම.
අමාත්‍යාංශය
සෞඛ්‍ය
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
4
කොවිඩ්-19 මරණ පිළිබඳ ප්‍රවීණයන්ගේ කමිටුව: විස්තර
පිළිතුරු දුන් දිනය
2023-07-18
විසින් පිළිතුරු දෙන ලදී
ගරු කෙහෙලිය රඹුක්වැල්ල, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
