861/2023
ගරු නීතීඥ රවුෆ් හකීම් මහතා,— සෞඛ්‍ය අමාත්‍යතුමාගෙන් ඇසීමට,—
(අ) (i) “කොවිඩ් - 19 රෝගීන් ලෙස සැක කෙරෙන සහ තහවුරු කරන ලද රෝගීන් පිළිබඳ තාවකාලික සායනික පිළිවෙත් මෙහෙයුම් නිර්ණායක” නමැති ප්‍රකාශනය පිළිබඳව එතුමා දන්නේද;
(ii) මෙම ප්‍රකාශනයේ අන්තර්ගතය සහ නිර්දේශ සඳහා දායක වූ විද්වතුන්ගේ නම් කවරේද;
(iii) ඔවුන් විශේෂඥ සම්පත් දායකයන් ලෙස සේවය කරන අවස්ථාවේ ඔවුන්ගේ තනතුරු සහ අනුබද්ධව සිටි ආයතන කවරේද;
(iv) ඔවුන් පත්කිරීම සම්බන්ධයෙන් වගකීම දරන ලද අධිකාරිය කවරේද;
(v) ඔවුන් තෝරාගැනීම සඳහා අනුගමනය කරන ලද නිර්ණායක/පදනම කවරේද?
යන්න එතුමා මෙම සභාවට දන්වන්නෙහිද?
(ආ) (i) ඉහත ප්‍රකාශනයේ 7 වැනි වගන්තිය පිළිබඳ එතුමා දන්නේද;
(ii) 7 වැනි වගන්තියේ අන්තර්ගතය සහ නිර්දේශ සම්බන්ධයෙන් වගකීම දරන විශේෂිත විද්වත් සම්පත් දායකයන්ගේ නම් කවරේද;
(iii) 7 වැනි වගන්තියේ අන්තර්ගතය සහ නිර්දේශ සකස් කිරීම සඳහා යොදාගත් ක්‍රියාපිළිවෙළ, ලිපි ලේඛන සහ මූලාශ්‍රකොට ගත් ලේඛන වෙන් වෙන් වශයෙන් කවරේද;
(iv) 7 වැනි වගන්තියේ සඳහන් නිර්දේශ දේශීය හෝ අන්තර්ජාතික වෛද්‍ය ආචාර ධර්ම ක්ෂේත්‍රයේ සහ වෛද්‍ය මානව විද්‍යා ක්ෂේත්‍රයේ විද්වතුන්ගේ වෘත්තිමය මතවාදයන් සඳහා යොමුකර තිබේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම් ඒ මන්ද?
අසන ලද දිනය
2023-08-23
අසන ලද්දේ
ගරු නීතිඥ රවුෆ් හකීම් මහතා, පා.ම.
අමාත්‍යාංශය
සෞඛ්‍ය
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
4
"කොවිඩ් - 19 රෝගීන් ලෙස සැක කෙරෙන සහ තහවුරු කරන ලද රෝගීන් පිළිබඳ තාවකාලික සායනික පිළිවෙත් මෙහෙයුම් නිර්ණායක" නැමැති ප්‍රකාශනය: විශේෂඥ සම්පත් දායකයන්
පිළිතුරු දුන් දිනය
2023-08-23
විසින් පිළිතුරු දෙන ලදී
ගරු කෙහෙලිය රඹුක්වැල්ල, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
