3101/2023
ගරු කුමාරසිරි රත්නායක මහතා,— අධ්‍යාපන අමාත්‍යතුමාගෙන් ඇසීමට,—
(අ) (i) ශ්‍රී ලංකාවේ රජයේ පාසල් සංඛ්‍යාව කොපමණද;
(ii) එම පාසල් අතරින් ශ්‍රේණිධාරී විදුහල්පතිවරුන් සහ වැඩබලන විදුහල්පතිවරුන් සිටින පාසල් සංඛ්‍යාව වෙන් වෙන් වශයෙන් කොපමණද;
(iii) වැඩබලන විදුහල්පතිවරුන් සිටින පාසල් සංඛ්‍යාව එක් එක් පළාත අනුව වෙන් වෙන් වශයෙන් කොපමණද;
යන්න එතුමා මෙම සභාවට දන්වන්නෙහිද?
(ආ) (i) වැඩබලන විදුහල්පතිවරුන්, විදුහල්පති සේවයට අන්තර්ග්‍රහණය කිරීම සඳහා වැඩපිළිවෙළක් තිබේද;
(ii) එසේ නම්, ඒ සඳහා මේ වනවිට ගෙන ඇති ක්‍රියාමාර්ග කවරේද;
(iii) ඉදිරියේදී විදුහල්පති තනතුරේ ඇති වන පුරප්පාඩු පිරවීමේදී තරඟ විභාග පවත්වා සුදුස්සන් තෝරාගැනීමට කටයුතු කරන්නේද;
(iv) එසේ නම්, එම තරඟ විභාග පවත්වනු ලබන දින වකවානු කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2023-11-10
අසන ලද්දේ
ගරු කුමාරසිරි රත්නායක මහතා, පා.ම.
අමාත්‍යාංශය
අධ්‍යාපන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
4
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
