2596/’12
ගරු සජිත් ප්‍රේමදාස මහතා,— විදේශ රැකියා ප්‍රවර්ධන හා සුභසාධන අමාත්‍යතුමාගෙන් ඇසීමට,—
(අ) (i) වර්ෂ 2005 - 2011 අතර කාලය තුළ ශ්‍රී ලංකා විදේශ සේවා නියුක්ති කාර්යාංශයේ ලේඛනගතව රැකියා සඳහා විදේශගත වී ඇති කාන්තාවන් සංඛ්‍යාව වාර්ෂිකව, වෙන් වෙන් වශයෙන් කොපමණද;
(ii) ඉහත පරිදි රැකියා සඳහා විදේශගත වූ කාන්තාවන් සංඛ්‍යාව එම එක් එක් වර්ෂයේදී රැකියා සඳහා විදේශගතවූ සම්පූර්ණ සංඛ්‍යාවේ ප්‍රතිශතයක් ලෙස වෙන් වෙන් වශයෙන් කවරේද;
(iii) එම කාන්තාවන් කුමන වෘත්තීන් සඳහා විදේශගතවී තිබේද;
යන්න එතුමා සඳහන් කරන්නෙහිද?
(ආ) (i) විදේශ රැකියා සඳහා නික්ම යන කාන්තාවන්ගේ අයිතීන් සුරක්ෂා කිරීම සඳහා ක්‍රියාත්මකවන වැඩපිළිවෙළ කවරේද;
(ii) ඉදිරියේදී එම වැඩපිළිවෙළ වඩාත් විධිමත්ව හා ශක්තිමත්ව ක්‍රියාත්මක කිරීමට කටයුතු කරන්නේද;
(iii) එසේ නම්, එය සිදුකරන ආකාරය කවරේද;
යන්න එතුමා මෙම සභාවට දන්වන්නෙහිද?
(ඇ) නොඑ‍සේ නම්, ඒ මන්ද?
අසන ලද දිනය
2013-08-08
අසන ලද්දේ
ගරු සජිත් ප්‍රේමදාස මහතා, පා.ම.
අමාත්‍යාංශය
විදේශ රැකියා ප්‍රවර්ධන හා සුබසාධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
විදේශයන්හි රැකියා නියුක්ත කාන්තාවන්: විස්තර
පිළිතුරු දුන් දිනය
2014-05-07
විසින් පිළිතුරු දෙන ලදී
ගරු ඩිලාන් පෙරේරා, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
