304/2024
ගරු රවී කරුණානායක මහතා,— ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යතුමාගෙන් ඇසීමට,—
(අ) (i) 2015 වර්ෂයේ සිට මේ දක්වා ශ්‍රී ලංකා වරාය අධිකාරිය සතු සහ පෞද්ගලික සමාගම් සතු එක් එක් පර්යන්තයට පැමිණි නැව් සංඛ්‍යාව කොපමණද;
(ii) එකී කාල සීමාව තුළ එම එක් එක් පර්යන්ත විසින් මෙහෙයවන ලද බහාලුම් සංඛ්‍යාව කොපමණද;
(iii) එකී කාල සීමාව තුළ එම එක් එක් පර්යන්තය ලැබූ මෙහෙයුම් ලාභය කොපමණද;
(iv) එකී කාල සීමාව සඳහා අධිකාරිය විසින් උපයන ලද ආදායම සහ ලාභය කොපමණද;
(v) ඉහත අංක (i) හි සඳහන් එක් එක් පර්යන්තය විසින් පැයකට මෙහෙයවන ලද බහාලුම් සංඛ්‍යාව අනුව එම එක් එක් පර්යන්තයේ කාර්යක්ෂමතාවය කවරේද;
යන්න වෙන් වෙන් වශයෙන් එතුමා මෙම සභාවට දන්වන්නෙහිද?
(ආ) (i) 2020 වර්ෂයේ සිට 2024 වර්ෂය දක්වා ශ්‍රී ලංකාවේ මෙහෙයවන ලද මුළු බහාලුම් සංඛ්‍යාව සහ සාමාන්‍ය භාණ්ඩ ප්‍රමාණය (ටොන්වලින්) කොපමණද;
(ii) ඉදිරි වසර දහය තුළ මෙහෙයවීමට නියමිත ප්‍රක්ෂේපිත බහාලුම් සංඛ්‍යාව සහ සාමාන්‍ය භාණ්ඩ ප්‍රමාණය (ටොන්වලින්) කොපමණද;
(iii) පසුගිය වසර පහ තුළ බහාලුම් මෙහෙයවීම අනුව ශ්‍රී ලංකාවට ලැබී ඇති ලෝක ශ්‍රේණිගත කිරීම කවරේද;
යන්නත් වෙන් වෙන් වශයෙන් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2025-03-07
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
ප්‍රවාහන, මහාමාර්ග, වරාය සහ සිවිල් ගුවන් සේවා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
