2858/’12
ගරු රවී කරුණානායක මහතා,— ජනමාධ්‍ය හා ප්‍රවෘත්ති අමාත්‍යතුමාගෙන් ඇසීමට,—
(අ) (i) ක්‍රීඩා සහ ක්‍රීඩා ආශ්‍රිත ක්‍රියාකාරකම් විකාශය කිරීම සඳහා වෙන්වූ මාධ්‍ය ආයතනයක් ශ්‍රී ලංකා රජය සතුව පවතීද;
(ii) එසේ නම්, එම ආයතනය කවරේද;
(iii) ක්‍රීඩා විකාශන අයිතිය ලබාගැනීම සඳහා සිරස, ස්වර්ණවාහිනී, දෙරණ, අයි.ටී.එන්, රූපවාහිනී වැනි වෙනත් රූපවාහිනී ආයතන ඉල්ලුම්කර තිබුණේද;
යන්න එතුමා සඳහන් කරන්නෙහිද?
(ආ) (i) කාල්ටන් ස්පෝට්ස් නෙට්වර්ක් (CSN) ආයතනය සංස්ථාගත කරන ලද දිනය කවරේද;
(ii) 2012.06.01 දින වනවිට එම ආයතනයේ සිටි ප්‍රධාන විධායක නිලධාරියාගේ සහ එම ආයතනයේ වර්තමාන ප්‍රධාන විධායක නිලධාරියාගේ නම් කවරේද;
(iii) CSN ආයතනය විසින් රජයේ කොන්ත්‍රාත්තු ලබාගෙන තිබේද;
(iv) එසේ නම්, එම කොන්ත්‍රාත්තු කවරේද;
යන්නත් එතුමා සඳහන් කරන්නෙහිද?
(ඇ) (i) CSN ආයතනය විසින් රජයේ ආයතනවලින් ලබාගෙන ඇති වෙළඳ දැන්වීම් කවරේද;
(ii) රජයට අයත් ආයතන විසින් CSN නාලිකාවේ වෙළඳ දැන්වීම් ප්‍රචාරය කිරීම සඳහා CSN ආයතනය ආරම්භයේ සිට මේ දක්වා මාසිකව දරන ලද වියදම කවරේද;
(iii) CSN නාලිකාවේ වෙළඳ දැන්වීම් ප්‍රචාරය කරන විශාලතම රාජ්‍ය ආයතන දහය කවරේද;
යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2013-07-10
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
ජනමාධ්‍ය හා ප්‍රවෘත්ති
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
කාල්ටන් ස්පෝට්ස් නෙට්වර්ක්: විස්තර
පිළිතුරු දුන් දිනය
2014-02-05
විසින් පිළිතුරු දෙන ලදී
ගරු කෙහෙලිය රඹුක්වැල්ල, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
