2978/’12
ගරු අකිල විරාජ් කාරියවසම් මහතා,— සිවිල් ගුවන් සේවා අමාත්‍යතුමාගෙන් ඇසීමට,—
(අ) (i) සිවිල් ගුවන් සේවා අධිකාරිය පිහිටුවා වර්ෂ 10ක් ගතවී ඇතත්, මේ වනතෙක් එම ආයතනයට ස්ථිර ගොඩනැගිල්ලක් නොමැති බවත්;
(ii) එම අධිකාරියේ වගකිව යුතු බලධාරීන් විසින් රාජ්‍ය මුදල් අවිධිමත් ලෙස හා අපරීක්ෂාකාරී ලෙස වැය කර ඇති බවත්;
එතුමා දන්නෙහිද?
(ආ) (i) පසුගිය වර්ෂ 10ක් පුරා සිවිල් ගුවන් සේවා අධිකාරිය පවත්වාගෙන යනු ලබන ගොඩනැගිල්ල සඳහා ගෙවා ඇති කුලී මුදල කොපමණද;
(ii) බිම් කුලිය ලෙස විශාල බදු මුදලක් ගෙවන එම අධිකාරිය සඳහා ස්ථිර ගොඩනැගිල්ලක් ඉදිකිරීමට කටයුතු කරන්නේද;
(iii) එම ආයතනයේ මුදල් අපරීක්ෂාකාරී ලෙස පරිහරණය කළ බලධාරියාට එරෙහිව යම් ක්‍රියාමාර්ගයක් ගනු ලබන්නේද;
යන්න එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2013-03-22
අසන ලද්දේ
ගරු අකිල විරාජ් කාරියවසම් මහතා, පා.ම.
අමාත්‍යාංශය
සිවිල් ගුවන් සේවා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
සිවිල් ගුවන් සේවා අධිකාරිය : ස්ථිර ගොඩනැඟිල්ල
පිළිතුරු දුන් දිනය
2013-05-22
විසින් පිළිතුරු දෙන ලදී
ගරු ගරු ගීතාංජන ගුණවර්ධන මහතා පා.ම.,, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
