3135/’12
ගරු වසන්ත අලුවිහාරේ මහතා,— කර්මාන්ත හා වාණිජ කටයුතු අමාත්‍යතුමාගෙන් ඇසීමට,—
(අ) මාතලේ නාඋල ප්‍රාදේශීය ලේකම් කොට්ඨාසයේ පිහිටි නාලන්ද කර්මාන්තපුරය තුළ දැනට,
(i) නිෂ්පාදන කටයුතු සිදු කෙරෙන කර්මාන්තශාලා සංඛ්‍යාව කොපමණද;
(ii) ඉදිවෙමින් පවතින කර්මාන්තශාලා සංඛ්‍යාව කොපමණද;
(iii) ඉදිකිරීමට යෝජිත කර්මාන්තශාලා සංඛ්‍යාව කොපමණද;
යන්න එතුමා සඳහන් කරන්නෙහිද?
(ආ) (i) ඉහත කර්මාන්තපුරය සඳහා වෙන් කර ඇති සමස්ත භූමි ප්‍රමාණය කොපමණද;
(ii) එම කර්මාන්තපුරය තුළ එක් කර්මාන්තශාලාවකට ලබාදෙන උපරිම හා අවම භූමි ප්‍රමාණය කොපමණද;
(iii) ඉහත (අ) හි සඳහන් එක් එක් කර්මාන්තශාලාව වෙනුවෙන් වෙන් කර දී ඇති ඉඩම් ප්‍රමාණයන් වෙන් වෙන් වශයෙන් කොපමණද;
(iv) එම ඉඩම් ලබාදීමේ පදනම කොපමණද;
(v) මේ වන විට ව්‍යාපෘතීන් සඳහා වෙන්කර දී ඇති මුළු ඉඩම් ප්‍රමාණය සහ ඉතිරිව ඇති ඉඩම් ප්‍රමාණය කොපමණද;
(vi) එම කර්මාන්තපුරය තුළ කර්මාන්ත අරඹා ඇති කර්මාන්තශාලා හිමියන්ගේ නම් කවරේද;
යන්න එතුමා මෙම සභාවට දන්වන්නෙහිද?
(ඇ) (i) නාලන්ද කර්මාන්තපුරයට අයත් භූමියෙන් පෞද්ගලික පරිහරණය සඳහා ඉඩම් කොටස් ලබා දීමට හැකියාවක් තිබේද;
(ii) එසේ නම්, එය සිදුකරනු ලබන පදනම කවරේද;
යන්නත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2012-12-03
අසන ලද්දේ
ගරු වසන්ත අලුවිහාරේ මහතා, පා.ම.
අමාත්‍යාංශය
කර්මාන්ත හා වාණිජ කටයුතූ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
නාලන්ද කර්මාන්තපුරය : විස්තර
පිළිතුරු දුන් දිනය
2013-02-20
විසින් පිළිතුරු දෙන ලදී
ගරු රිසාඩ් බදියුදීන්, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
