3151/’12
ගරු රවී කරුණානායක මහතා,— මහාමාර්ග, වරාය හා නාවික අමාත්‍යතුමාගෙන් ඇසීමට,—
(අ) (i) ශ්‍රී ලංකාවේ නාවික කර්මාන්තයට තර්ජනයක් වන ආකාරයට වරාය මෙහෙයුම් සිදු කරන රටවල් පහ කවරේද;
(ii) ඉහත සඳහන් රටවල ඇති එක් එක් වරායෙන් එල්ල වී තිබෙන තර්ජන වෙන් වෙන් වශයෙන් කවරේද;
(iii) එවන් තර්ජනයන්ට එරෙහිව කටයුතු කිරීමට ශ්‍රී ලංකාව අපේක්ෂා කරන ආකාරය සහ එමගින් දේශීය නාවික කර්මාන්තයට ප්‍රතිලාභයක් අත්කර දෙන ආකාරය කවරේද;
(iv) 2010, 2011 සහ 2012 වර්ෂවලට අදාළව, එක් එක් වර්ෂයේදී ඉහත (ii) හි සඳහන් තර්ජනයන් එල්ල වී ඇති වරායවල බහාලුම් මෙහෙයුම් ප්‍රමාණය වෙන් වෙන් වශයෙන් කොපමණද;
(v) ඉදිරි වර්ෂ 5 සඳහා ඉහත සඳහන් වරායවල මෙහෙයුම් පිළිබඳ ප්‍රක්ෂේපණය කවරේද;
යන්න එතුමා සඳහන් කරන්නෙහිද?
(ආ) (i) ශ්‍රී ලංකාව බහාලුම් මෙහෙයුම් ආකර්ෂණය කර ගැනීමට බලාපොරොත්තු වන්නේ කුමන වරායවලින්ද;
(ii) ඉහත සඳහන් එක් එක් වරායෙන් ලබා ගැනීමට බලාපොරොත්තු වන බහාලුම් මෙහෙයුම් සංඛ්‍යාව වෙන් වෙන් වශයෙන් කොපමණද;
(iii) ශ්‍රී ලංකා වරාය අධිකාරිය ලබා ගැනීමට බලාපොරොත්තු වන ඉහත සඳහන් බහාලුම් මෙහෙයුම් මුළු සංඛ්‍යාව කොපමණද;
යන්නත් එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2013-12-04
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
වරාය හා මහාමාර්ග
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
ශ්‍රී ලංකාවේ නාවික කර්මාන්තය : තර්ජන
පිළිතුරු දුන් දිනය
2013-12-04
විසින් පිළිතුරු දෙන ලදී
ගරු නීතිඥ නිමල් සිරිපාල ද සිල්වා, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
