3204/’12
ගරු පී. හැරිසන් මහතා,— කෘෂිකර්ම අමාත්‍යතුමාගෙන් ඇසීමට,—
(අ) (i) වර්ෂ 2005 - 2012 කාල සීමාව තුළ වාර්ෂිකව ශ්‍රී ලංකාවට ආනයනය කළ පලතුරු වර්ග සංඛ්‍යාව කොපමණද;
(ii) එම එක් එක් පලතුරු වර්ගයේ කිලෝවක වත්මන් මිල කොපමණද;
යන්න එතුමා සඳහන් කරන්නෙහිද?
(ආ) (i) ආනයනික පලතුරු කල් තබා ගැනීම සඳහා අනුමත කරන ක්‍රමවේදයන් කවරේද;
(ii) එම ක්‍රමවේදයන් මිනිස් සිරුරට හිතකර වන්නේද;
(iii) ඉහත ක්‍රමවේදයන් සම්බන්ධයෙන් සෞඛ්‍ය දෙපාර්තමේන්තුවෙන් හෝ වෙනත් ආයතනයක් වෙතින් සහතිකයක් ලබාගන්නේද;
යන්න එතුමා මෙම සභාවට දන්වන්නෙහිද?
(ඇ) (i) දේශීය පලතුරු කල් තබා ගැනීමට උපයෝගී කර ගන්නා ක්‍රමවේදයන් කවරේද;
(ii) දේශීය පලතුරු ඉක්මනින් ඉදවීමට භාවිතා කරන ක්‍රමවේදයන් කවරේද;
(iii) එම ක්‍රමවේදයන් සඳහා කෘෂිකර්ම දෙපාර්තමේන්තුවේ හෝ පාරිභෝගික කටයුතු අධිකාරියේ අවසරය ලබා දී තිබේද;
(iv) පලතුරු ඉදවීමට රසායනික ද්‍රව්‍ය භාවිත කිරීමෙන් මිනිස් ශරීරයට හානි නොවන බවට කෘෂිකර්ම දෙපාර්තමේන්තුව මගින් පාරිභෝගික ජනතාවට සහතිකයක් ලබා දෙන්නේද;
(v) පාරිභෝගිකයන්ට පිරිසිදු හා ගුණාත්මක පලතුරු වර්ග ලබාදීම සඳහා වැඩපිළිවෙළක් සකස් කරන්නේද;
යන්නත් එතුමා සඳහන් කරන්නෙහිද?
(ඈ) නොඑසේ නම්, මන්ද?
අසන ලද දිනය
2013-05-08
අසන ලද්දේ
ගරු පී. හැරිසන් මහතා, පා.ම.
අමාත්‍යාංශය
කෘෂිකර්ම
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
දේශීය සහ ආනයනික පලතුරු කල්තබා ගැනීම : ක්‍රමවේද
පිළිතුරු දුන් දිනය
2013-05-08
විසින් පිළිතුරු දෙන ලදී
ගරු මහින්ද යාපා අබේවර්ධන, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
