3253/’12
ගරු පී. හැරිසන් මහතා,— පුනරුත්ථාපන හා බන්ධනාගාර ප්‍රතිසංස්කරණ අමාත්‍යතුමාගෙන් ඇසීමට,—
(අ) (i) 2012 නොවැම්බර් මස 09 වැනි දින වැලිකඩ බන්ධනාගාරයේ ඇතිවූ ගැටුමට මුල් වූ හේතුව කුමක්ද;
(ii) එදින බන්ධනාගාරය පරීක්ෂා කිරීම සඳහා පොලිස් විශේෂ කාර්ය බලකාය යෙදුවේ බන්ධනාගාර නිලධාරීන්ගේ සෝදිසි කිරීම් ප්‍රමාණවත් නොවූ නිසාද;
(iii) ඒ සඳහා එම බලකාය යෙදවීමට නියෝග ලබා දුන් අය කවුරුන්ද;
(iv) බන්ධනාගාර පරීක්ෂාවට සහභාගීවු පොලිස් විශේෂ කාර්ය බලකායේ නිලධාරීන් සංඛ්‍යාව කොපමණද;
(v) ඔවුන් බන්ධනාගාරය තුළට ආයුධ සන්නද්ධව ඇතුල් වී තිබේද;
යන්න එතුමා මෙම සභාවට දන්වන්නෙහිද?
(ආ) ඉහත සඳහන් ගැටුමේදී,
(i) රැඳවියන්හට අවි ගබඩාවට ඇතුල්වී අවි ලබා ගැනීමට බන්ධනාගාර නිලධාරීන්ගෙන් සහය ලැබුණු බවත්;
(ii) සුරාබදු දෙපාර්තමේන්තුවේ මත්ද්‍රව්‍ය අංශයේ නිලධාරියෙකුගේ පෞද්ගලික අවශ්‍යතාව මත රැඳවියන්ට වෙඩි තැබීම සිදුවී ඇති බවත්;
(iii) බන්ධනාගාර රැඳවියන්ගේ මානව හිමිකම් උල්ලංඝනය වී ඇති බවත්;
එතුමා පිළිගන්නෙහිද?
(ඇ) (i) බන්ධනාගාර අවි ගබඩාවෙන් අවි ලබා ගැනීමට රැඳවියන්ට සහයෝගය ලබාදී ඇති නිලධාරින් සම්බන්ධයෙන් ගනු ලබන පියවර කවරේද;
(ii) මියගිය රැඳවියන් වෙනුවෙන් රජය වන්දි මුදලක් ගෙවීමට කටයුතු කරන්නේද;
(iii) මෙවැනි සිද්ධීන් නැවත ඇති නොවීමට ගනු ලබන පියවර කවරේද;
යන්න එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2013-06-20
අසන ලද්දේ
ගරු පී. හැරිසන් මහතා, පා.ම.
අමාත්‍යාංශය
පුනරුත්ථාපන හා බන්ධනාගාර ප්‍රතිසංස්කරණ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
වැලිකඩ බන්ධනාගාරයේ ඇති වූ ගැටුම: වන්දි
පිළිතුරු දුන් දිනය
2013-10-02
විසින් පිළිතුරු දෙන ලදී
ගරු චන්ද්‍රසිරි ගජදීර, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
