3372/’12
ගරු පී. හැරිසන් මහතා,— පළාත් පාලන හා පළාත් සභා අමාත්‍යතුමාගෙන් ඇසීමට,—
(අ) (i) උතුරු මැද පළාත් සභාවේ මන්ත්‍රීවරයෙකුට ලැබෙන විමධ්‍යගත මුදල කොපමණද;
(ii) එම මුදල් වැය කළ යුතු සංවර්ධන කටයුතු කවරේද යන්න චක්‍රලේඛයක් මගින් දන්වා තිබේද;
(iii) එසේ නම්, එම කටයුතු කවරේද;
යන්න එතුමා මෙම සභාවට දන්වන්නෙහිද?
(ආ) විමධ්‍යගත අරමුදලින් ලැබෙන මුදල්,
(i) අදාළ සමිති සමාගම් හෝ පුද්ගලයින් වෙත නිසි පරිදි නොලැබෙන බවත්;
(ii) සමහර පළාත් සභා මන්ත්‍රීවරුන් තමන්ගේ පුද්ගලික කටයුතු සඳහා යොදා ගන්නා බවත්;
(iii) වියදම් කිරීමේදී සමහර පළාත් සභා මන්ත්‍රීවරුන් නිලධාරීන්ගේ සහාය ඇතිව වංචා සිදු කරන බවත්;
එතුමා දන්නෙහිද?
(ඇ) (i) පළාත් සභා විමධ්‍යගත මුදල් ලබාදීමේදී අදාළ ප්‍රාදේශීය ලේකම් කාර්යාලවල මැදිහත්වීමක් සිදු කරන්නේද;
(ii) නොඑසේ නම්, ඊට හේතු කවරේද;
(iii) ප්‍රාදේශීය ලේකම් කාර්යාල හරහා එම කටයුත්ත සිදු කරන්නේ නම්, පළාත් සභාව විසින් ඒ පිළිබඳව පසු විපරමක් කරන්නේද;
(iv) නොඑසේ නම්, එයට හේතු කවරේද;
(v) විමධ්‍යගත මුදල් වැය කිරීම ප්‍රාදේශීය ලේකම් කාර්යාලවල අධීක්ෂණය යටතේ ක්‍රමවත්ව සිදු කරන්නේද;
(vi) එසේ නම්, එහි ප්‍රගතිය දිස්ත්‍රික් සංවර්ධන කමිටු රැස්වීමට ඉදිරිපත් කිරීමට කටයුතු කරන්නේද;
යන්න එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2013-11-28
අසන ලද්දේ
ගරු පී. හැරිසන් මහතා, පා.ම.
අමාත්‍යාංශය
පළාත් පාලන හා පළාත් සභා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
උතුරු මැද පළාත් සභාව: විමධ්‍යගත මුදල්
පිළිතුරු දුන් දිනය
2014-09-03
විසින් පිළිතුරු දෙන ලදී
ගරු ඉන්දික බණ්ඩාරනායක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
