3653/’13
ගරු බුද්ධික පතිරණ මහතා,— පරිසර හා පුනර්ජනනීය බලශක්ති අමාත්‍යතුමාගෙන් ඇසීමට,—
(අ) (i) පුත්තලම දිස්ත්‍රික්කයේ, විල්පත්තුව ජාතික වනෝද්‍යානය හා අඛණ්ඩව බැදී ඇති වීරක්කුලිචෝලෙ - එළුවන්කුලම යෝජිත රක්ෂිතයට අයත් තබ්බෝව අභය භූමිය හා බැඳී පවතින අක්කර 250 ක භූමි ප්‍රදේශයක් එච්. වී. ඒ. ෆාම් ආයතනය මගින් මේ වන විට බැකෝ යන්ත්‍ර ආධාරයෙන් එළිපෙහෙළි කරන බවත්;
(ii) රජයට අයත් මෙම වනාන්තර භූමිය සඳහා ව්‍යාජ ඔප්පුවක් සකසා ඇති බවත්;
(iii) වනාතවිල්ලුව ප්‍රාදේශීය ලේකම් විසින් මෙම වනාන්තර භූමිය සඳහා සකස් කර ඇති ව්‍යාජ ඔප්පුව සඳහා නීත්‍යානුකූලභාවයක් ලබාදීමට කටයුතු කර ඇති බවත්;
එතුමා දන්නෙහිද?
(ආ) (i) ඉහත ආයතනය වනාන්තර භූමිය තුළ සිදු කරනු ලබන ඉදිකිරීම් සඳහා නීත්‍යානුකූල අවසරය ලබාගෙන තිබේද;
(ii) වනජීවී හා පුරාවිද්‍යා රක්ෂිතද පිහිටි ඉහත සඳහන් ප්‍රදේශයේ එච්. වී. ඒ. ෆාම් ආයතනය පවත්වා ගෙන යාම නිසා දැඩි පරිසර හානියක් සිදුවන බව පිළිගන්නේද;
(iii) එසේ නම්, එම තත්ත්වය වැළැක්වීම සඳහා පියවර ගන්නේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2014-06-20
අසන ලද්දේ
ගරු බුද්ධික පතිරණ මහතා, පා.ම.
අමාත්‍යාංශය
පරිසර හා පුනර්ජනනීය බලශක්ති
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
තබ්බෝව අභය භූමියට සම්බන්ධ වනභූමිය : ව්‍යාජ ඔප්පුව
පිළිතුරු දුන් දිනය
2014-06-20
විසින් පිළිතුරු දෙන ලදී
ගරු නීතිඥ (ආචාර්ය) සුසිල් ප්‍රේමජයන්ත, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
