4252/’13
ගරු අජිත් පී. පෙරේරා මහතා,— රාජ්‍ය පරිපාලන හා ස්වදේශ කටයුතු අමාත්‍යතුමාගෙන් ඇසීමට,—
(අ) (i) අංක 509/7 හා 1988.06.07 දිනැති ශ්‍රී ලංකා පරිපාලන සේවයේ සේවා ව්‍යවස්ථාව යටතේ සීමිත තරග විභාගයේ ප්‍රතිඵල මත ශ්‍රී ලංකා පරිපාලන සේවයට බඳවා ගනු ලබන නිලධාරීන් පළමුවැනි කාර්යක්ෂමතා කඩඉම් පරීක්ෂණය සමත්වීමට අවශ්‍ය වන්නේද;
(ii) එසේ නම්, එම සේවා ව්‍යවස්ථාවේ ඒ බව සඳහන් වගන්තිය කවරේද;
(iii) එවැනි වගන්තියක් නොවේ නම්, ඉහත කඩඉම් පරීක්ෂණය සමත් විය යුතු බවට සඳහන් කොන්දේසිය පත්වීම් ලිපිවල ඇතුළත් කිරීම සඳහා එකී සේවා ව්‍යවස්ථාවේ 28 වැනි වගන්තිය යටතේ ගන්නා ලද ක්‍රියාමාර්ග කවරේද;
(iv) සේවා ව්‍යවස්ථාවේ නිශ්චිතව සඳහන් නොවන්නේ නම් හා 28 වැනි වගන්තිය අනුව ක්‍රියාමාර්ග නොගත්තේ නම්, ඉහත පරිදි බඳවා ගත් නිලධාරීන්ගේ පත්වීම් ලිපිවලට (අ)(iii)හි සඳහන් කොන්දේසිය ඇතුළත් කළ පදනම කවරේද;
යන්න එතුමා සඳහන් කරන්නෙහිද?
(ආ) (i) ඉහත සඳහන් පරිදි අදාළ පත්වීම් ලිපිවල එම සේවා ව්‍යවස්ථාවට අනනුකූල පරිදි කොන්දේසි ඇතුළත් කිරීම නිසා අසීරුවට පත්ව ඇති නිලධාරීන්ට සහනයක් සලසන්නේද;
(ii) එසේ නම්, එම සහන කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2013-11-28
අසන ලද්දේ
ගරු අජිත් පී. පෙරේරා මහතා, පා.ම.
අමාත්‍යාංශය
රාජ්‍ය පරිපාලන සහ ස්වදේශ කටයුතු
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
ශ්‍රී ලංකා පරිපාලන සේවයේ නිලධාරින් : කාර්යක්ෂමතා කඩඉම් පරීක්ෂණය
පිළිතුරු දුන් දිනය
2014-02-18
විසින් පිළිතුරු දෙන ලදී
ගරු නීතිඥ ඩබ්ලිව්. ඩී. ජේ. සෙනෙවිරත්න, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
