4558/’13
ගරු රන්ජන් රාමනායක මහතා,— විදේශ රැකියා ප්‍රවර්ධන හා සුබසාධන අමාත්‍යතුමාගෙන් ඇසීමට,—
(අ) නිවසක හිමිකමක් නැති, අඩු ආදායම්ලාභී, විදේශගත ශ්‍රමිකයින් සඳහා “රටවිරුවෝ ණය වැඩසටහන” නමින් නිවාස ණය වැඩසටහනක් ක්‍රියාත්මක කර ඇති බව එතුමා දන්නෙහිද?
(ආ) (i) ඉහත සඳහන් නිවාස ණය වැඩසටහන ක්‍රියාත්මක කළ දිනය කවරේද;
(ii) එම ණය ලබාදීම සිදු කරනු ලබන බැංකු කවරේද;
(iii) එම එක් එක් බැංකුවේ මෙරට ක්‍රියාත්මකව පවතින ශාඛා සංඛ්‍යාව කොපමණද;
(iv) මෙම ණය ව්‍යාපෘතිය පිළිබඳව නිලධාරීන් දැනුවත් කිරීමට සහ ඊට අදාළව සිදුකර ඇති අනෙකුත් පරිපාලන කටයුතු වෙනුවෙන් දරන ලද වියදම කොපමණද;
යන්න එතුමා සඳහන් කරන්නෙහිද?
(ඇ) (i) ඉහත වැඩසටහන යටතේ ණය මුදලක් ලබා ගැනීම සඳහා අදාළ වන කොන්දේසි සහ සුදුසුකම් කවරේද;
(ii) එක් අයකුට ලබා දෙන උපරිම ණය මුදල කොපමණද;
(iii) එම ණය මුදල වෙනුවෙන් අය කරනු ලබන පොලී අනුපාතය කොපමණද;
(iv) මේ වන විට එම ණය මුදල ඉල්ලුම් කර ඇති සංඛ්‍යාව සහ ණය ලබා දී ඇති සංඛ්‍යාව වෙන් වෙන් වශයෙන් කොපමණද;
යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2014-07-22
අසන ලද්දේ
ගරු රන්ජන් රාමනායක මහතා, පා.ම.
අමාත්‍යාංශය
විදේශ රැකියා ප්‍රවර්ධන හා සුබසාධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
