4640/’13
ගරු පී. හැරිසන් මහතා,— කෘෂිකර්ම අමාත්‍යතුමාගෙන් ඇසීමට,—
(අ) (i) කෘෂි රසායන ද්‍රව්‍ය ආනයනය සඳහා ශ්‍රී ලංකාවේ ලියාපදිංචි වී ඇති සමාගම් සංඛ්‍යාව කොපමණද;
(ii) ඉහත සමාගම් අතරින් කෘෂි රසායන ද්‍රව්‍ය මහා පරිමාණයෙන් ආනයනය කරන ආයතන කවරේද;
(iii) මේ වන විට ශ්‍රී ලංකාවට ආනයනය කිරීම තහනම් කරනු ලැබ ඇති කෘෂි රසායන වර්ග සංඛ්‍යාව කොපමණද;
යන්න එතුමා මෙම සභාවට දන්වන්නෙහිද?
(ආ) (i) ඉහත සමාගම්වල නම්, ලිපිනයන් හා ලියාපදිංචි වූ දිනයන්;
(ii) තහනමට ලක්වන තෙක් එම කෘෂි රසායන ද්‍රව්‍ය මෙරටට ගෙන්වනු ලැබූ සමාගම්වල නම්;
(iii) තහනම් කරන ලද කෘෂි රසායන ද්‍රව්‍ය ලංකාවට ගෙන්වීම නිසා අසාධු ලේඛනගත (Black list) කර ඇති ආයතනවල නම්;
එතුමා සභාගත කරන්නෙහිද?
(ඇ) (i) අසාධු ලේඛනගත කිරීමට ලක්වූ ආයතනවල අධ්‍යක්ෂවරුන් වෙනත් නම්වලින් ආයතන ලියාපදිංචි කර ඇති බව දන්නේද;
(ii) එසේ නම්, ඒ අය සම්බන්ධයෙන් ගනු ලබන නීතිමය පියවර කවරේද;
යන්න එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2014-10-21
අසන ලද්දේ
ගරු පී. හැරිසන් මහතා, පා.ම.
අමාත්‍යාංශය
කෘෂිකර්ම
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
