4961/’14
ගරු නිරෝෂන් පෙරේරා මහතා,— ආර්ථික සංවර්ධන අමාත්‍යතුමාගෙන් ඇසීමට,—
(අ) (i) පුත්තලම දිස්ත්‍රික්කයේ, කල්පිටිය අර්ධද්වීපය ආසන්නයේ පිහිටා ඇති දූපත් 14 ක් සංචාරක ව්‍යාපාරය වෙනුවෙන් යෙදවීමට කටයුතු කර ඇති බවත්;
(ii) සංචාරක ව්‍යාපාරය සඳහා යොදා ගෙන ඇති එම දූපත් ආශ්‍රිත ප්‍රදේශවල ජීවත් වන ධීවර ජනතාව තම භූමියේ අයිතිය අහිමිවීමෙන් ඉතා දුක්ඛිත තත්ත්වයකට පත්වී ඇති බවත්;
එතුමා දන්නෙහිද?
(ආ) (i) සංචාරක ව්‍යාපාරයට දූපත් යෙදවීම නිසා තම ගම් බිම් අහිමි වන ධීවරයින්ගේ අයිතීන් රැකදීමට ගෙන ඇති ක්‍රියාමාර්ග කවරේද;
(ii) සිය භූමිය අහිමි වන පාරම්පරික ධීවර ජනතාවට ප්‍රමාණවත් විසඳුම් ලබා දී තිබේද;
යන්න එතුමා සඳහන් කරන්නෙහිද?
(ඇ) (i) සංචාරක ව්‍යාපාරය සඳහා ඉහත සඳහන් දූපත් 14 ලබාදුන් ආයතන හෝ සමාගම්වල නම් කවරේද;
(ii) එම ආයතන හෝ සමාගම් වෙත එම දූපත් ලබා දුන් පදනම කවරේද;
(iii) ඉහත (i) හි සඳහන් සමාගම් වෙත එම එක් එක් දූපත ලබා දී ඇති මිල ගණන් වෙන් වෙන් වශයෙන් කවරේද;
යන්නත් එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2014-09-25
අසන ලද්දේ
ගරු නිරෝෂන් පෙරේරා මහතා, පා.ම.
අමාත්‍යාංශය
ආර්ථික සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
