5415/’14
ගරු අජිත් කුමාර මහතා,— පළාත් පාලන හා පළාත් සභා අමාත්‍යතුමාගෙන් ඇසීමට,—
(අ) (i) කොළඹ දිස්ත්‍රික්කය තුළ පුද්ගලයන් හෝ පුද්ගලික ආයතන හෝ රජය මගින් පවත්වාගෙන යන මහජන වැසිකිළි සංඛ්‍යාව කොපමණද;
(ii) ඒවා පිහිටි ස්ථාන කවරේද;
යන්න පළාත් පාලන ආයතන මට්ටමින් එතුමා සභාගත කරන්නෙහිද?
(ආ) (i) මහජන වැසිකිළි පුද්ගලයන් හෝ පුද්ගලික ආයතන සඳහා ලබා දීමේ ක්‍රමවේදය කවරේද;
(ii) ඒවා බදු දීමෙන් වර්ෂ 2011 - 2013 දක්වා ලැබූ ආදායම කොපමණද;
(iii) මහජන වැසිකිළි භාවිතයේදී එක් වරකට අය කරන මුදල කොපමණද;
(iv) එම මුදල තීරණය කිරීමේ නිර්ණායක කවරේද;
(v) නිර්ණායක සකස් කරන ක්‍රමවේදය කවරේද;
යන්න එතුමා සඳහන් කරන්නෙහිද?
(ඇ) (i) මහජන වැසිකිළි නඩත්තු කරන ආයතනය සහ අදාළ වැය ශීර්ෂය කවරේද;
(ii) එම වැසිකිළිවලට සිදුවන අලාභහානි ඒවා ලබා ගෙන ඇති පාර්ශ්වයන්ගෙන් පියවා ගැනීමේ ක්‍රමවේදයක් තිබේද:
(iii) නොඑසේ නම්, ඊට හේතු කවරේද;
යන්න එතුමා මෙම සභාවට දන්වන්නෙහිද?
(ඈ) (i) මහජන වැසිකිළි පුද්ගලික සමාගම් වෙත පවරාදීමේ අරමුණ කවරේද;
(ii) රජය විසින් එම ස්ථාන පවත්වාගෙන යාමේ වගකීම නොදරන්නේ මන්ද;
(iii) රජය විසින් මහජන වැසිකිළි පවත්වාගෙන යාමේ හා නඩත්තු කිරීමේ ඉදිරි සැලසුමක් තිබේද;
යන්නත් එතුමා සඳහන් කරන්නෙහිද?
(ඉ) නොඑසේ නම්, ඒ මන්ද?
අසන ලද දිනය
2014-11-19
අසන ලද්දේ
ගරු ගරු අජිත් කුමාර මහතා, පා.ම., මහතා, පා.ම.
අමාත්‍යාංශය
පළාත් පාලන හා පළාත් සභා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
