5915/’15
ගරු සුසන්ත පුංචිනිලමේ මහතා,— අභ්‍යන්තර ප්‍රවාහන අමාත්‍යතුමාගෙන් ඇසීමට,—
(අ) (i) විශිෂ්ට පරිපාලනයක් තුළින් ත්‍රිකුණාමලය ශ්‍රී ලංගම ඩිපෝවෙහි ආදායම් ඉහළ නැංවීමට කටයුතු කළ එහි කළමනාකාර විජිත ධර්මසේන මහතාට අසභ්‍ය වචනයෙන් බැණ ඔහුගේ සේවා ස්ථානයෙන් පලවා හැර ඇති බවත්;
(ii) ප්‍රවාහන විෂයය අයත් නොවන ඇමතිවරයෙකුගේ සෘජු මැදහත්වීමක් මත දේශපාලන හේතු මත එම බැණ වැදීම හා පළවා හැරීම සිදු කර ඇති බවත්;
එතුමා දන්නෙහිද?
(ආ) (i) ඉහත සිදුවීමට අදාළව අමාත්‍යාංශ මට්ටමේ පරීක්ෂණයක් පවත්වා අගතියට පත් එම ඩිපෝ කළමනාකරුට සාධාරණයක් ඉටුකරන්නේද;
(ii) 2015 ජනාධිපතිවරණය ජයග්‍රහණය කිරීමෙන් පසු මේ වන තෙක් අයුතු බලපෑම් හෝ වෙනයම් ක්‍රමවේද මගින් තනතුරුවලින් පහ කර හෝ බිය ගැන්වීම් කර සේවය අතහැර ගියා සේ සලකන තත්ත්වයට පත් කර ඇති ශ්‍රී ලංගම ඩිපෝ කළමනාකරුවන් සංඛ්‍යාව කොපමණද;
(iii) ඔවුන්ගේ නම්, ලිපිනයන්, දුරකතන අංක හා අදාළ ඩිපෝවල නම් කවරේද;
(iv) එම අකටයුතුකම් සම්බන්ධයෙන් ගෙන ඇති පියවර සහ ඉදිරියට ගනු ලබන පියවර කවරේද;
යන්න එතුමා මෙම සභාවට දන්‍වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2015-04-10
අසන ලද්දේ
ගරු සුසන්ත පුංචිනිලමේ මහතා, පා.ම.
අමාත්‍යාංශය
අභ්‍යන්තර ප්‍රවාහන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
ශ්‍රී ලංගම ඩිපෝ කළමනාකරුවන් : සේවයෙන් පහ කිරීම
පිළිතුරු දුන් දිනය
2015-04-10
විසින් පිළිතුරු දෙන ලදී
ගරු ආර්. එම්. රංජිත් මද්දුම බණ්ඩාර, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
