69/’15
ගරු බුද්ධික පතිරණ මහතා,— ධීවර හා ජලජ සම්පත් සංවර්ධන අමාත්‍යතුමාගෙන් ඇසීමට,—
(අ) (i) ඉන්දියන් සාගරයේ ජාත්‍යන්තර මුහුදු කලාපයේ මසුන් ඇල්ලීමට චීන යාත්‍රා වලට අවසර ලබා දී තිබේද;
(ii) එසේ නම්, එම අවසරය ලබා දී ඇති යාත්‍රා සංඛ්‍යාව කොපමණද;
(iii) එම යාත්‍රා හා ශ්‍රී ලංකාව අතර ඇති ගිවිසුමට අදාළ බැඳීම් කවරේද;
(iv) මෙලෙස අවසර ලබා දීම තුළින් අපේක්ෂිත වාර්ෂික ආදායම කොපමණද;
යන්න එතුමා මෙම සභාවට දන්වන්නෙහිද?
(ආ) (i) ජාත්‍යන්තර මුහුදේ මසුන් අල්ලන ශ්‍රී ලාංකික යාත්‍රා සංඛ්‍යාව කොපමණද;
(ii) චීන යාත්‍රා හේතුවෙන් ශ්‍රී ලාංකික ධීවරයින්ට සිදුවන අසාධාරණ මැඬලීමට ගෙන ඇති පියවර කවරේද;
(iii) චීන යාත්‍රා සඳහා අවසර ලබාදීම වෙනුවට ශ්‍රී ලාංකිකයන්ට විශාල ධීවර යාත්‍රා ලබා ගැනීම සඳහා උපකාර නොකිරීමට හේතු කවරේද;
(iv) ශ්‍රී ලාංකිකයන්ට ජාත්‍යන්තර මුහුදේ ධීවර කටයුතු කිරීම සඳහා විශාල ධීවර යාත්‍රා හා නවීන තාක්ෂණික මෙවලම් සමග අවශ්‍ය පහසුකම් ලබාදීමට සැලසුම් කර තිබේද;
(v) එසේ නම්, ඒ කෙසේද; කවර දිනයක සිටද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2015-11-28
අසන ලද්දේ
ගරු බුද්ධික පතිරණ මහතා, පා.ම.
අමාත්‍යාංශය
ධීවර හා ජලජ සම්පත් සංවර්ධන සහ ග්‍රාමීය ආර්ථිකය පිළිබඳ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
ජාත්‍යන්තර මුහුදු කලාපයේ මසුන් ඇල්ලීම: විස්තර
පිළිතුරු දුන් දිනය
2016-02-09
විසින් පිළිතුරු දෙන ලදී
ගරු මහින්ද අමරවීර, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
