0265/'10
ගරු රවුෆ් හකීම් මහතා,— අධ්‍යාපන අමාත්‍යතුමාගන් ඇසීමට,—
(අ) (i) කඩුගන්නාව, කුරුකුන්තල, අංක 18 බී ලිපිනයේ පදිංචි, එස්. එම්. එම්. හලීම් මහතා 1994 ඔක්තෝබර් මස 03 වැනි දින සිට මහ/අල් - මනාර්, මාවනැල්ල සහිරා සහ මැවනැල්ල මයුරපාද යන ජාතික පාසලවල (දුෂ්කර හා දුෂ්කර නොවන) සතුටුදායකව සේවය කළ වාණිජ උපාධිධාරී ගුරුවරයෙකු බවත්;
(ii) හලීම් මහතා දැනට සේවය කරන මාවනැල්ල සහිරා ජාතික පාසලේ රාජකාරියට වාර්තා කිරීමට එම පාසලේ විදුහල්පතිවරයා බාධා කරන බවත්;
(iii) එම විදුලහල්පතිවරයා බාහිර පුද්ගලයන් යොදවා පාසල තුළදී හලීම් මහතාට පහරදී ජීවිත තර්ජනයක් කර ඇති බැවින් එම පාසල තුළ ඔහුට නිදහසේ සේවය කිරීමට නොහැකි වාතාවරණයක් උද්ගතව ඇති බවත්;
(iv) ඒ අනුව ඔහු මාවනැල්ල මයුරපාද ජාතික පාසලට ස්ථාන මාරුවීමක් ඉල්ලා ඇති බවත්;
(v) එම ඉල්ලීම හිතාමතාම නිර්දේශ නොකරමින් ඉහත විදුහල්පතිවරයා තවදුරටත් හලීම් මහතා මානසික පීඩාවට පත් කරනු ලබන බවත්;
එතුමා දන්නෙහිද?
(ආ) (i) එකී විදුලහල්පතිවරයාගේ ක්‍රියාකලාපය සම්බන්ධයෙන් අමාත්‍යාංශ මට්ටමින් පරීක්ෂණයක් පවත්වන්නේද;
(ii) හලීම් මහතාට මාවනැල්ල මයුරපාද ජාතික පාසලට ස්ථාන මාරුවීමක් ලබාදීමට නොපමාව පියවර ගන්නේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2010-09-08
අසන ලද්දේ
ගරු නීතිඥ රවුෆ් හකීම් මහතා, පා.ම.
අමාත්‍යාංශය
අධ්‍යාපන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
