364/’15
ගරු එස්. එම්. මරික්කාර් මහතා,— ක්‍රීඩා අමාත්‍යතුමාගෙන් ඇසීමට,—
(අ) (i) 2010 ජූලි මස දඹුල්ලේ පැවති ඉන්දු-ශ්‍රී ලංකා ක්‍රිකට් තරඟාවලිය අතරතුර, ජූලි 18 දින රාත්‍රියේ ඉන්දීය ක්‍රීඩකයෙකු රැඳී සිටි කණ්ඩලම හෝටල් කාමරයක් තුළට කාන්තාවක් ගිය බවත්, ඇය රැය පහන්වන තුරු එහි රැඳී සිටි බවත්;
(ii) මේ සම්බන්ධයෙන් එවකට ක්‍රිකට් ක්‍රීඩා ආරක්ෂක උපදේශකවරයා විසින් එවකට ක්‍රිකට් ලේකම්වරයාට පිටපත් සහිතව ඉන්දීය කළමණාකරුට ලිඛිතව දැනුම් දුන් බවත්;
(iii) එම ලිපියෙහි අන්තර්ගතය අනුව අල්ලස් ලබාදීමේ උත්සාහයක් තිබූ බවත්;
එතුමා දන්නෙහිද?
(ආ) මේ සම්බන්ධයෙන්,
(i) තරඟාවලිය සංවිධානය කළ රටෙහි ක්‍රිකට් ලේකම්වරයා විසින් ගත් පියවර කවරේද;
(ii) ජාත්‍යන්තර ක්‍රිකට් කවුන්සිලය විසින් ගත් පියවර කවරේද;
යන්න එතුමා සඳහන් කරන්නෙහිද?
(ඇ) (i) මේ සම්බන්ධයෙන් කරන ලද පරීක්ෂණවල ලිඛිත වාර්තා ශ්‍රී ලංකා ක්‍රිකට් ආයතනය සතුව තිබේද;
(ii) එසේ නම්, ඒවා ඉදිරිපත් කරන්නේද;
(iii) නොඑසේ නම්, එම වාර්තා විනාශ කිරීම සම්බන්ධයෙන් වගකිවයුතු වන්නේ කවුරුන්ද;
(iv) වාර්තා විනාශ කිරීම සම්බන්ධයෙන් පරීක්ෂණයක් ආරම්භ කරන්නේද;
(v) එම පරීක්ෂණයෙන් ශ්‍රී ලංකා ක්‍රිකට් ආයතනයේ තනතුරක් දරන්නෙකු වරදකරුවකු වුවහොත් ඔහු තනතුරෙන් ඉවත් කරන්නේද;
යන්න එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2016-04-08
අසන ලද්දේ
ගරු එස්. එම්. මරික්කාර් මහතා, පා.ම.
අමාත්‍යාංශය
ක්‍රීඩා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
2010 වර්ෂයේ ඉන්දු-ශ්‍රී ලංකා ක්‍රිකට් තරගාවලිය අතරතුර ඇති වූ සිද්ධිය: ගෙන ඇති පියවර
පිළිතුරු දුන් දිනය
2016-05-04
විසින් පිළිතුරු දෙන ලදී
ගරු දයාසිරි ජයසේකර, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
