ගරු සුනිල් හඳුන්නෙත්ති මහතා,— නිවාස හා ඉදිකිරීම් අමාත්‍යතුමාගෙන් ඇසීමට,— (3)
(අ) (i) දේශපාලන පළිගැනීම්වලට ලක්වූ ජාතික නිවාස සංවර්ධන අධිකාරියේ සේවකයන්ට සහන සැලසීම සඳහා නව රජය යටතේ කමිටුවක් පත්කර හෝ වැඩපිළිවෙළක් සකස් කර තිබේද;
(ii) එසේ නම්, එම කමිටුව පත්කර හෝ වැඩපිළිවෙළ සකස් කර ඇත්තේ කැබිනට් අනුමතියක් යටතේද; එසේ නම්, එම අනුමතිය ලද දිනය කවරේද;
(iii) දේශපාලන පළිගැනීම් සඳහා සහන ලබාදීමට සළකා බලන කාලසීමාව කවරේද;
යන්න එතුමා මෙම සභාවට දන්වන්නෙහිද?
(ආ) (i) පළිගැනීමට ලක්වූවන්ට සහන ලබාදීම සඳහා ක්‍රියාත්මක කරන ලද වැඩපිළිවෙළ කවරේද;
(ii) එසේ පළිගැනීමට ලක්වී, සහන ලබා උසස්වීම් ලද පුද්ගලයන්ගේ නම්, පළිගැනීමට ලක්වූ හේතුව සහ ඔවුන්ට ලබා දුන් සහනය වෙන් වෙන් වශයෙන් කවරේද;
(iii) ඔවුන්ට උසස්වීම් සමඟ හිඟ වැටුප් ලබා දෙන්නේද;
(iv) එසේ නම්, ඒ කවර දිනයක සිටද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-01-25
අසන ලද්දේ
ගරු සුනිල් හඳුන්නෙත්ති මහතා, පා.ම.
අමාත්‍යාංශය
නිවාස හා ඉදිකිරීම්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
දේශපාලන පළිගැනීමට ලක්වූ ජාතික නිවාස සංවර්ධන අධිකාරියේ සේවකයන්: සහන
පිළිතුරු දුන් දිනය
2017-05-25
විසින් පිළිතුරු දෙන ලදී
ගරු ඉන්දික බණ්ඩාරනායක, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
