ගරු නාමල් රාජපක්ෂ මහතා,— උසස් අධ්‍යාපන හා මහාමාර්ග අමාත්‍යතුමාගෙන් ඇසීමට,—
(අ) (i) හම්බන්තොට දක්වා ඉදිකිරීමට යෝජිත අධිවේගී මාර්ගයේ ඉඩම් අත් කරගැනීම් අවසන්කර තිබේද;
(ii) එම ඉඩම් සඳහා වන්දි තක්සේරුකර තිබේද;
(iii) එසේ නම්, වන්දි මුදල් වෙන් වෙන් වශයෙන් කවරේද;
යන්න එතුමා මෙම සභාවට දන්වන්නෙහිද?
(ආ) (i) ඉහත (අ)(i)හි සඳහන් ඉඩම් අයිතිකරුවන් වශයෙන් හඳුන්වනු ලබන, අනවසර පදිංචිකරුවන්, බලපත්‍රලාභීන් සහ සින්නක්කර ඔප්පුහිමියන් වෙන් වෙන් වශයෙන් කොපමණද;
(ii) ඔවුන්ගේ නම් සහ ලිපිනයන් ප්‍රාදේශීය ලේකම් කොට්ඨාස සහ ග්‍රාම නිලධාරි වසම් අනුව වෙන් වෙන් වශයෙන් කවරේද;
(iii) ඉහත (ii)හි සඳහන් පුද්ගලයන් අතරින් මේ වනවිට වන්දි මුදල් ගෙවා ඇති සංඛ්‍යාව, ඔවුන්ගේ නම් සහ ලිපිනයන් කවරේද;
(iv) ඉහත (ii)හි සඳහන් පුද්ගලයන් අතරින් මේ වනවිට වන්දි මුදල් ගෙවා නොමැති සංඛ්‍යාව, ඔවුන්ගේ නම් සහ ලිපිනයන් කවරේද;
(v) ඉහත (iv)හි සඳහන් පුද්ගලයන්ට වන්දි මුදල් ලබා දීමට කටයුතු කරන්නේද;
යන්න එතුමා සඳහන් කරන්නෙහිද?
(ඇ) (i) ඉවත් කරනු ලබන අනවසර පදිංචිකරුවන්ට ඉඩම් කොටසක් ලබා දෙන්නේද;
(ii) ඔවුන්ට නිවසක් ඉදිකර ගැනීමට සරිලන වන්දි මුදලක් ලබා දෙන්නේද;
(iii) එසේ නම්, ඒ සඳහා ගතවන කාලය කොපමණද;
යන්නත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2016-12-01
අසන ලද්දේ
ගරු නීතිඥ නාමල් රාජපක්ෂ මහතා, පා.ම.
අමාත්‍යාංශය
මහාමාර්ග හා මාර්ග සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
හම්බන්තොට යෝජිත අධිවේගී මාර්ගය සඳහා ඉඩම් අත් කරගැනීම: වන්දි
පිළිතුරු දුන් දිනය
2017-01-24
විසින් පිළිතුරු දෙන ලදී
ගරු නීතිඥ ලක්ෂ්මන් කිරිඇල්ල, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
