1284/’16
ගරු ඩලස් අලහප්පෙරුම මහතා,— කම්කරු හා වෘත්තීය සමිති සබඳතා අමාත්‍යතුමාගෙන් ඇසීමට,—
(අ) (i) දෙවිනුවර, වෙහෙල්ගොඩ, “ප්‍රේමසිරි” නිවසේ පදිංචි, එච්. කේ. ප්‍රේමතිලක මහතා, 1978.05.05 සිට 1986.11.10 දක්වා ශ්‍රී ලංකා ගුවන් හමුදා ස්වේච්ඡා ගුවන් භටයෙකු වශයෙන්ද, 1986.11.03 සිට 1995.11.30 දක්වා කම්කරු දෙපාර්තමේන්තුවේ පෙදරේරු පුහුණු උපදේශකයෙකු වශයෙන්ද, 1995.11.30 සිට ශ්‍රී ලංකා වෘත්තීය පුහුණු අධිකාරියට අනුයුක්තව සේවය කළ බවත්;
(ii) වයස අවුරුදු 60 සම්පූර්ණ වීමෙන් පසු 2015.09.18 වැනි දින ශ්‍රී ලංකා වෘත්තීය පුහුණු අධිකාරියෙන් විශ්‍රාම ගන්වා ඇති බවත්;
(iii) රාජ්‍ය සේවයේ වසර 33, මාස 04, දින 13 ක් සේවය කළද ඔහුගේ විශ්‍රාම වැටුප් ගණනය කර නොමැති බවත්;
(iv) කම්කරු දෙපාර්තමේන්තුවේ සේවය කරන ලද කාලයට අදාළව විශ්‍රාම වැටුප් ලබා ගැනීමට කරන ලද ඉල්ලීම, ඔහු වෘත්තීය පුහුණු අධිකාරියට මුදාහරින ලද්දේ කවර කාණ්ඩය යටතේදැයි යන්න නොපැහැදිලිය යන අදහස මත මෙතෙක් ඉටු වී නොමැති බවත්;
(v) රාජ්‍ය පරිපාලන හා කළමනාකරණ අමාත්‍යාංශයේ ලේකම්, විශ්‍රාම වැටුප් අධ්‍යක්ෂක ජනරාල් ඇමතූ අංක PNS/P/P7/PEN/PROB(ii)/TEM දරන 2016.07.14 දිනැති ලිපියෙන් නිරීක්ෂණ ඉල්ලා ඇති බවත්;
එතුමා දන්නෙහිද?
(ආ) ප්‍රේමතිලක මහතාගේ විශ්‍රාම හිමිකම් ලබාදීම සඳහා පියවර ගන්නේද යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-03-24
අසන ලද්දේ
ගරු ඩලස් අලහප්පෙරුම මහතා, පා.ම.
අමාත්‍යාංශය
කම්කරු හා වෘත්තීය සමිති සබඳතා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
එච්. කේ. ප්‍රේමතිලක මහතා : විශ්‍රාම වැටුප
පිළිතුරු දුන් දිනය
2017-03-24
විසින් පිළිතුරු දෙන ලදී
ගරු රවීන්ද්‍ර සමරවීර, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
