1345/’16
ගරු මහින්දානන්ද අලුත්ගමගේ මහතා,— රාජ්‍ය ව්‍යවසාය සංවර්ධන අමාත්‍යතුමාගෙන් ඇසීමට,—
(අ) (i) පසුගිය රජය විසින් ශ්‍රී ලංකන් ගුවන් සමාගමට A350 වර්ගයේ ගුවන් යානා 3ක් ගෙවීමේ ක්‍රමයට විදේශීය සමාගමකින් ඇණවුම් කර තිබූ බවත්;
(ii) නව රජය බලයට පත්වීමෙන් පසු එම ඇණවුම අවලංගු කළ බවත්;
(iii) ඇණවුම භාරගත් AerCap සමාගම ගිවිසුම අවලංගු කිරීම සඳහා ඇමරිකන් ඩොලර් මිලියන 97 ක වන්දි මුදලක් ඉල්ලා සිටි බවත්;
(iv) ගුවන් යානා මිලදී නොගන්නේ නම්, ඒවා වෙනත් ගුවන් සමාගමකට විකිණීමේ හැකියාව තිබියදී, කැබිනට් මණ්ඩලය නොමග යවා වන්දි ගෙවීම
පිළිබඳ සාකච්ඡා කිරීමට 2016.09.07 දින කැබිනට් අනුකාරක සභාව විසින් තීරණයක් ගෙන ඇති බවත්;
(v) එම ගුවන් යානා වෙනත් ගුවන් සමාගමකට විකිණීම හෝ AerCap සමාගම විසින් ඉල්ලා ඇති වන්දි මුදල අඩු කිරීම සම්බන්ධයෙන් සාකච්ඡා නොකර සහ කැබිනට් අනුමතියකින් තොරව චරිත රත්වත්තේ මහතා විසින් එවන ලද ඊමේල් පණිවිඩයකට අනුව එම මුදල ගෙවීමට අග්‍රාමාත්‍ය කාර්යාලය විසින් කටයුතු කර ඇති බවත්;
එතුමා දන්නෙහිද?
(ආ) එමඟින් ශ්‍රී ලංකා රජයට සිදුවූ පාඩුව හා ආර්ථික හානිය සම්බන්ධයෙන් ගනු ලබන පියවර කවරේද යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-03-10
අසන ලද්දේ
ගරු මහින්දානන්ද අලුත්ගමගේ මහතා, පා.ම.
අමාත්‍යාංශය
රාජ්‍ය ව්‍යවසාය හා මහනුවර නගර සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
A350 වර්ගයේ ගුවන් යානා 3ක් ඇණවුම් කිරීම: විස්තර
පිළිතුරු දුන් දිනය
2017-03-10
විසින් පිළිතුරු දෙන ලදී
ගරු කබීර් හෂීම්, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
