ගරු වාසුදේව නානායක්කාර මහතා,— උසස් අධ්‍යාපන හා මහාමාර්ග අමාත්‍යතුමාගෙන් ඇසීමට,— (2)
(අ) (i) ජෛව පද්ධති තාක්ෂණ‍වේදය විෂය ධාරාව හදාරා, 2015 වර්ෂයේදී ප්‍රථම වරට අ.පො.ස (උ/පෙළ) විභාගයට පෙනී සිට, ඉන් ඉතා උසස් ප්‍රතිඵල ලබා සිටින රත්නපුර දිස්ත්‍රික්කයේ ශිෂ්‍යයන් මේ දක්වා කිසිදු විශ්වවිද්‍යාලයකට ඇතුළත් කරගෙන නොමැති බවත්;
(ii) ඉහත ශිෂ්‍යයන්ට ලබාදුන් විශ්වවිද්‍යාල අත්පොතෙහි එම විෂයට අදාළ උපාධි පාඨමාලාව සඳහා සබරගමුව විශ්වවිද්‍යාලය ඇතුළත් කර තිබුනද, එම විශ්ව විද්‍යාලයටද මේ දක්වා කිසිදු ශිෂ්‍යයෙකු ඇතුළත් කරගෙන නොමැති බවත්;
(iii) මෙම ශිෂ්‍යයන්ට ලැබී ඇති තොරතුරු අනුව කොළඹ වැනි පහසුකම් සහිත දිස්ත්‍රික්කවලින් අඩු Z අගයක් යටතේ සිසුන් 80 - 90 වැනි සංඛ්‍යාවකට විශ්ව විද්‍යාල වරම් හිමි වී ඇති බවත්;
එතුමා දන්නෙහිද?
(ආ) (i) මෙම ශිෂ්‍යයන්ට සිදුවී ඇති අසාධාරණය පිළිබඳව ජනාධිපතිවරයා, අග්‍රාමාත්‍යවරයා, අමාත්‍යවරයාට සහ විශ්වවිද්‍යාල ප්‍රතිපාදන කොමිෂන් සභාවටද අභියාචනා ඉදිරිපත් කළද මේ වනතෙක් කිසිදු සාධාරණයක් ඉටු වී නොමැති බව පිළිගන්නේද;
(ii) අ (i) හි සඳහන් ශිෂ්‍යයන් විශ්වවිද්‍යාලවලට ඇතුළත් කරගැනීම සඳහා අවශ්‍ය පියවර ගන්නේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-06-06
අසන ලද්දේ
ගරු වාසුදේව නානායක්කාර මහතා, පා.ම.
අමාත්‍යාංශය
මහාමාර්ග හා මාර්ග සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
ජෛව පද්ධති තාක්ෂණ‍වේදය විෂය ධාරාව: විශ්වවිද්‍යාලවලට සිසුන් ඇතුළත් කර ගැනීම
පිළිතුරු දුන් දිනය
2017-09-07
විසින් පිළිතුරු දෙන ලදී
ගරු නීතිඥ ලක්ෂ්මන් කිරිඇල්ල, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
