கெளரவ வாசுதேவ நாணாயக்கார,— உயர் கல்வி மற்றும் நெடுஞ்சாலைகள் அமைச்சரைக் கேட்பதற்கு,—
(அ) (i) உயிர் முறைமை தொழில்நுட்பவியல் பாடப் பிரிவில் கல்வி பயின்று, 2015 ஆம் ஆண்டு முதற் தடவையாக க.பொ.த. (உ/த) பரீட்சைக்குத் தோற்றி, அதில் உயர் மட்ட பெறுபேறுகளைப் பெற்றுள்ள இரத்தினபுரி மாவட்ட மாணவர்கள் இதுவரை எந்தவொரு பல்கலைக் கழகத்திற்கும் அனுமதிக்கப்படவில்லை என்பதையும்;
(ii) மேற்படி மாணவர்களுக்கு வழங்கப்பட்ட பல்கலைக்கழக கைநூலில் மேற்படி பாடம் தொடர்பான பட்டப் பாடநெறிக்கு சப்பிரகமுவ பல்கலைக்கழகம் உள்ளடக்கப்பட்டிருந்த போதிலும், மேற்படி பல்கலைக்கழகத்திற்கு இதுவரை எந்தவொரு மாணவரும் அனுமதிக்கப்படவில்லை என்பதையும்;
(iii) மேற்படி மாணவர்களுக்கு கிடைத்துள்ள தகவல்களின்படி கொழும்பு போன்ற வசதிகள் மிக்க மாவட்டங்களிலிருந்து குறைந்த Z புள்ளியின் கீழ் மாணவர்கள் 80 – 90 பேருக்கு பல்கலைக் கழக அனுமதி கிடைத்துள்ளது என்பதையும்;
அவர் அறிவாரா?
(ஆ) (i) மேற்படி மாணவர்களுக்கு ஏற்பட்டுள்ள அநீதி தொடர்பாக சனாதிபதி, பிரதம அமைச்சர், அமைச்சர் மற்றும் பல்கலைக்கழக மானியங்கள் ஆணைக்குழுவிற்கும் மேன்முறையீடுகள் சமர்ப்பிக்கப்பட்டுள்ள போதிலும் இதுவரை எவ்வித நீதியும் நிறைவேற்றப்படவில்லை என்பதை அவர் ஏற்றுக்கொள்வாரா;
(ii) மேலே (அ)(i) இல் குறிப்பிடப்பட்டுள்ள மாணவர்களை பல்கலைக்கழகங்களுக்கு அனுமதிப்பதற்குத் தேவையான நடவடிக்கைகளை மேற்கொள்வாரா;
என்பதை அவர் இச்சபைக்கு அறிவிப்பாரா?
(இ) இன்றேல், ஏன்?
கேட்கப்பட்ட திகதி
2017-06-06
கேட்டவர்
கௌரவ வாசுதேவ நாணாயக்கார, பா.உ.
சட்டவாக்கம்
இலங்கை சனநாயக சோசலிசக் குடியரசின் எட்டாவது பாராளுமன்றம்
கூட்டத்தொடர்
1
பதில் தேதி
2017-09-07
பதில் அளித்தார்
கௌரவ சட்டத்தரணி லக்ஷ்மன் கிரிஎல்ல, பா.உ.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
