1370/’16
ගරු බන්දුල ගුණවර්ධන මහතා,— අග්‍රාමාත්‍යතුමා සහ ජාතික ප්‍රතිපත්ති හා ආර්ථික කටයුතු අමාත්‍යතුමාගෙන් ඇසීමට,—
(අ) (i) 2016 අයවැය යෝජනාවන්ට අනුව, සුළු හා මධ්‍ය පරිමාණ ව්‍යවසාය අංශය විධිමත් කිරීමට අවශ්‍ය "නියාමන අධිකාරියක්" පිහිටවනු ලැබුවේද;
(ii) එසේ නම්, එම දිනය කවරේද;
(iii) ශ්‍රී ලංකාවේ ක්ෂුද්‍ර මූල්‍ය ආයතන ලියාපදිංචි කිරීමේදී රු. 25,000/-ක ගාස්තුවක් ගෙවිය යුතුද;
(iv) සුළු හා මධ්‍ය පරිමාණ අංශය මුහුණ දෙන ගැටලු අධ්‍යයන කිරීම සඳහා උපදේශක කමිටුවක් පිහිටවනු ලැබුවේද;
(v) එසේ නම්, එම කමිටුවෙහි සාමාජිකයන් කවුරුන්ද;
(vi) සුළු හා මධ්‍ය පරිමාණ ණය ආරක්ෂණ වැඩපිළිවෙළක් ක්‍රියාත්මක කිරීම සඳහා 2016 වර්ෂයේදී, රුපියල් මිලියන 500 ක මූලික අරමුදලක් රජය මඟින් ලබා දුන්නේද;
(vii) සුළු හා මධ්‍ය පරිමාණ ක්ෂේත්‍රයට සහනදායී පොලී අනුපාත යටතේ මූල්‍ය පහසුකම් සැපයීමට ආධාරයක් වශයෙන් ආසියානු සංවර්ධන බැංකුවෙන් රුපියල් මිලියන 100ක ණය පහසුකමක් ලැබුනේද;
(viii) ආසියානු සංවර්ධන බැංකු ණය පහසුකම යටතේ, ණය ලබා දුන් සුළු හා මධ්‍ය පරිමාණ ව්‍යවසායකයන්ගේ නම් හා ලිපිනයන් ඇතුළත් ලැයිස්තුවක් ඉදිරිපත් කරන්නේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2017-05-05
අසන ලද්දේ
ගරු (ආචාර්ය) බන්දුල ගුණවර්ධන මහතා, පා.ම.
අමාත්‍යාංශය
අග්‍රාමාත්‍යතුමා සහ ජාතික ප්‍රතිපත්ති හා ආර්ථික කටයුතු අමාත්‍යතුමා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ අටවැනි පාර්ලිමේන්තුව
සභාවාරය
1
සුළු හා මධ්‍ය පරිමාණ ව්‍යවසාය අංශය: නියාමන අධිකාරියක්
පිළිතුරු දුන් දිනය
2017-07-04
විසින් පිළිතුරු දෙන ලදී
ගරු හර්ෂ ද සිල්වා, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
