0390/’10
ගරු රවුෆ් හකීම් මහතා,— ප්‍රවාහන අමාත්‍යතුමාගෙන් ඇසීමට,—
(අ) (i) අකුරැස්ස, ගොඩවත්ත පාර, ගොඩපිටිය ලිපිනයෙහි පදිංචි එම්. ඒ. සිත්ති පස්ලිහා මහත්මිය අකුරැස්ස සී/ස රුහුණු බස් සමාගමට අයත් අකුරැස්ස ඩිපෝවේ vi ශ්‍රේණියේ ලිපිකාරිනියක ලෙස සේවය කළ බවත්;
(ii) පරිපාලනමය විෂමචාර චෝදනාවක් මත 2004.12.17 දින සිට අර්ධ වැටුප් සහිතව ඇයගේ සේවය අත්හිටවූ බවත්;
(iii) නැවත විනය පරීක්ෂණ මණ්ඩල තීරණයක් අනුව, 2005.06.01 දින සිට ඇය සේවයෙන් පහ කළ බවත්;
(iv) මේ සම්බන්ධයෙන් පස්ලිහා මහත්මිය විසින් මාතර කම්කරු විනිශ්චය සභාවේ ගොනු කළ නඩුව (අංක L/T/M26/70/2005) නිශ්ප්‍රභා කරන ලද බවත්;
(v) අනතුරුව දකුණු පළාත් සිවිල් අභියාචනා මහාධිකරණය (මාතර) වෙත අභියාචනයක් (අංක S/P/HCCA/MA/L/T06/2009) ඉදිරිපත් කළ බවත්;
(vi) ඒ අනුව, 2010.05.04 දින අධිකරණය මගින් පස්ලිහා මහත්මිය නැවත සේවයේ පිහිටුවීමටත්, සේවය අත්හිටවූ කාලයට අදාළ හිඟවැටුප් සියල්ල ගෙවීමටත් නියෝග කළ බවත්;
එතුමා දන්නෙහිද?
(ආ) (i) ඉහත අධිකරණ නියෝග මෙතෙක් ක්‍රියාත්මක නොකිරීමට හේතුව කවරේද;
(ii) පස්ලිහා මහත්මිය වහාම සේවයේ පිහිටුවා අදාළ හිඟ වැටුප් ගෙවීමට නොපමාව පියවර ගන්නේද;
යන්න එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2010-10-07
අසන ලද්දේ
ගරු නීතිඥ රවුෆ් හකීම් මහතා, පා.ම.
අමාත්‍යාංශය
ප්‍රවාහන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ හත්වැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
